استاناداعى ءۇش اۋىسىمدى مەكتەپتەردىڭ قانشاسى قازاقشا ءبىلىم بەرەدى

استانا. KAZINFORM - استانا قالاسىنىڭ ءبىلىم باسقارماسى Kazinform ساۋالىنا بەرگەن جاۋابىندا ەلورداداعى ءۇش اۋىسىممەن جانە شامادان تىس جۇكتەمەمەن وقىتاتىن مەكتەپتەردىڭ وقىتۋ ءتىلى جونىندە مالىمەت بەردى.

«جىل سايىن تۋۋ مەن كوشى-قون ەسەبىنەن مەكتەپ وقۋشىلارىنىڭ سانى ارتۋ ۇستىندە. سوعان ساي استانادا ءۇش اۋىسىمدا وقىتاتىن 8 مەكتەپ بار. ونىڭ ىشىندە بىرەۋى مەملەكەتتىك تىلدە وقىتادى. ارالاس مەكتەپتەردەگى 13774 بالا ورىس سىنىبىندا، 14152 بالا قازاق سىنىبىندا سىنىبىندا وقيدى. 16 مەكتەپتە بالا سانى شامادان ارتىق، ونىڭ ىشىندە ۇشەۋى مەملەكەتتىك تىلدە وقىتادى. ونداعى ارالاس مەكتەپتەردەگى 21907 بالا - ورىس سىنىبىندا، 22498 بالا - قازاق سىنىبىندا وقيدى» دەلىنگەن باسقارمانىڭ جاۋابىندا.

قازىرگى تاڭدا قالاداعى مەملەكەتتىك مەكتەپتەردىڭ 35 ى قازاق تىلىندە، 3 ى ورىس تىلىندە، 64 ى ارالاس تىلدە ءبىلىم بەرەدى.

«قالاداعى مەملەكەتتىك تىلدە وقىتاتىن 35 مەكتەپتىڭ بىرەۋى ءۇش اۋىسىممەن، ۇشەۋى شامادان تىس جۇكتەمەمەن، 31 ى جوبالىق قۋاتىنا ساي جۇكتەمەمەن جۇمىس ىستەپ تۇر. ورىس تىلىندە وقىتاتىن 3 مەكتەپ جوبالىق قۋاتىنا ساي جۇكتەمەمەن جۇمىس ىستەۋدە. 64 ارالاس مەكتەپتىڭ 7 ەۋى ءۇش اۋىسىممەن، 12 سى شامادان تىس جۇكتەمەمەن، 45 ى ستاندارتقا ساي جۇكتەمەمەن جۇمىس ىستەيدى» دەپ جازىلعان جاۋاپتا.

اۆتور
ەسىمجان ناقتىباي