استاناداعى اۆتوبۋس اپاتى: جۇرگىزۋشى قاماۋعا الىندى

استانا. KAZINFORM - كەشە ەلوردادا جولاۋشىلار اۆتوبۋسى اپاتقا ۇشىراپ، 15 ادام زارداپ شەكتى. جول اپاتىنا ايىپتى دەپ تانىلعان جۇرگىزۋشى قاماۋعا الىندى.

- جولاۋشىلاردىڭ دەنساۋلىعىنا اۋىر زيان كەلتىرگەن جول قوزعالىسى ەرەجەلەرىن بۇزۋ فاكتىسى بويىنشا قىلمىستىق ءىس قوزعالدى. اۆتوبۋس جۇرگىزۋشىسى ۋاقىتشا ۇستاۋ يزولياتورىنا قامالدى. تەرگەۋ امالدارى جۇرگىزىلىپ جاتىر، - دەگەن حابار الدىق استانا قالالىق پوليتسيا دەپارتامەنتىنىڭ باسپا ءسوز قىزمەتىنەن.

ەسكە سالايىق، كەشە كەشكە استانادا قوعامدىق كولىك جۇرگىزۋشىسى رولگە يە بولا الماي، جول جيەگىندەگى باعانعا سوقتىعىستى. سالدارىنان بىرنەشە ادام زارداپ شەكتى.

ارتىنشا ءبىر زارداپ شەگۋشى جولاۋشىنىڭ جاعدايى اۋىر ەكەنى جانە وتا جاسالعانى حابارلاندى.

بۇگىن زارداپ شەككەن 1 جولاۋشىنىڭ اياعىنا امپۋتاتسيا جاسالدى.

سونداي-اق ەلوردا اكىمدىگى جول اپاتىنان زارداپ شەككەن جاندارعا وتەماقى تولەيتىنى بەلگىلى بولدى.

اۆتور

داۋلەت ىزتىلەۋ