استاناداعى پاتەرلەردىڭ بىرىندە 400 دەن استام ادام تىركەلگەن

استانا. KAZINFORM - استانادا پوليتسەيلەر 400 دەن استام ادام تىركەلگەن پاتەردى انىقتادى. بۇل تۋرالى Polisia.kz جازدى.

وسى جىلدىڭ باسىنان جۇرگىزىلگەن تەكسەرۋلەر ناتيجەسىندە 35 مەكەنجاي انىقتالدى. وندا ناقتى تۇرعىلىقتى جەرى جوق كوپتەگەن ازاماتتار تىركەلگەنى بەلگىلى بولعان. ولارمەن بىرگە تۇرمايتىن جەكە تۇلعالاردى ەسەپكە قويعانى ءۇشىن تۇرعىن ءۇي يەلەرى ق ر ا ق ب ت ك-نىڭ 493-بابى بويىنشا اكىمشىلىك جاۋاپكەرشىلىككە تارتىلدى.

«كوشى-قون قىزمەتىنىڭ قىزمەتكەرلەرىمەن بارلىعى 40 قا جۋىق حاتتامالار جاسالىپ، ونىڭ ىشىندە 6 زاڭ بۇزۋشىعا قايتادان جاۋاپكەرشىلىك قاراستىرىلدى. وندا ءىس جۇزىندە تۇرمايتىن ازاماتتاردى تىركەگەن «رەزەنكە پاتەرلەردىڭ» يەلەرى ا ق ب ت ك-نىڭ 493-بابى بويىنشا اكىمشىلىك جاۋاپكەرشىلىككە تارتىلىپ، كوشى-قون قىزمەتىنىڭ قىزمەتكەرلەرى 40 قا جۋىق حاتتاما جاساپ، ونىڭ ىشىندە 6 ءتارتىپ بۇزۋشىنى قايتادان جاۋاپكەرشىلىككە تارتقان»، - دەلىنگەن حابارلامادا.

مىسالى، پوليتسەيلەر 400 دەن استام ادام تىركەلگەن پاتەردى جانە 230 دان استام قازاقستان رەسپۋبليكاسىنىڭ ازاماتى تىركەلگەن تاعى ءبىر پاتەردى انىقتاعان. تۇرعىن ءۇي يەلەرىنىڭ ءوتىنىشى بويىنشا وسى مەكەنجايلاردا تۇرمايتىن، ءبىراق تىركەلگەن قازاقستان رەسپۋبليكاسىنىڭ ازاماتتارى ەسەپتەن شىعارىلدى. ايتا كەتەيىك، بۇگىنگى كۇنى زاڭنامادا ءبىر مەكەنجاي بويىنشا تىركەلگەن ازاماتتاردىڭ سانىنا شەكتەۋلەر قاراستىرىلماعان. دەگەنمەن، تىركەلگەن ازاماتتار تىركەلگەن جەرىندە ناقتى تۇرۋعا مىندەتتى.

اۆتور
باقىتگۇل اباي قىزى