استاناداعى اقىلى تۇراقتار ناۋرىزدىڭ سوڭىنا دەيىن اكىمدىك مەنشىگىنە وتەدى
استانا. KAZINFORM - استانا اكىمدىگى مەن «استانانىڭ تۇراق كەڭىستىگى» ج ش س اراسىندا الدىن الا كەلىسىمشارتقا 2025-جىلدىڭ جەلتوقسان ايىندا قول قويىلدى. بۇل جونىندە كولىك جانە جول-كولىك ينفراقۇرىلىمىن دامىتۋ باسقارماسى مالىمدەدى.
قۇجاتتا اتالعان كومپانيا %100 ۇلەسىن جەرگىلىكتى اتقارۋشى ورگانعا قايتارىمسىز نەگىزدە بەرەتىنى جازىلعان.
- قازىر كاسىپورىننىڭ قارجىلىق-شارۋاشىلىق قىزمەتىنە اۋديت جۇرگىزىلىپ جاتىر. بارلىق ءتيىستى ءراسىم بيىلعى ناۋرىز ايىنىڭ سوڭىندا اياقتالادى دەپ جوسپارلانىپ وتىر، - دەلىنگەن باسقارما حابارلاماسىندا.
ايتا كەتەيىك، بارلىق جەر ۋچاسكەسى مەن ينفراقۇرىلىم (شلاگباۋمدەر مەن سيفرلىق جۇيەلەر) كوممۋنالدىق مەنشىككە وتپەك. بۇعان دەيىن حابارلاعانىمىزداي، بۇل شەشىم ەلورداداعى تۇراق ينفراقۇرىلىمىن باسقارۋدى جاقسارتۋعا جانە ونى تيىمدىرەك باقىلاۋعا وڭ اسەر ەتپەك.
بولاشاقتا بۇل تۇراق ۇيىمداستىرۋدىڭ جاڭا تەتىكتەرىن ەنگىزۋگە، سونداي-اق قالا تۇرعىندارى مەن قوناقتارىنا قىزمەت كورسەتۋ ساپاسىن ارتتىرۋعا مۇمكىندىك بەرەدى.
