استانادا وتەتىن ۇ ق ش ۇ سامميتىنە 5 ەلدىڭ باسشىلارى قاتىسادى
استانا. KAZINFORM - تاۋەلسىز مەملەكەتتەر دوستاستىعى (ت م د) باس حاتشىسى سەرگەي لەبەديەۆ پەن شاڭحاي ىنتىماقتاستىق ۇيىمىنىڭ (ش ى ۇ) باس حاتشىسى چجان مين استانادا 28-قاراشادا وتەتىن ۇجىمدىق قاۋىپسىزدىك تۋرالى شارت ۇيىمىنىڭ سامميتىنە قاتىسۋعا شاقىرتۋ الدى. بۇل تۋرالى ق ر سىرتقى ىستەر مينيسترلىگىنىڭ باسپا ءسوز قىزمەتىنەن مالىمدەدى، دەپ حابارلايدى ت ا س س اقپارات اگەنتتىگى.
ونىڭ مالىمەتىنشە، شاراعا رەسەي پرەزيدەنتى ۆلاديمير پۋتين، قازاقستان پرەزيدەنتى قاسىم-جومارت توقايەۆ، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، تاجىكستان پرەزيدەنتى ەمومالي راحمون جانە ۇ ق ش ۇ باس حاتشىسى يمانعالي تاسماعانبەتوۆ قاتىسادى.
حابارلامادا ارمەنيا وكىلدەرىنىڭ ەسىمدەرى اتالعان جوق. بۇعان دەيىن ارمەنيا س ءى م باسپا ءسوز حاتشىسى اني باداليان ارمەنپرەسس اگەنتتىگىنە ەلدىڭ سىرتقى ىستەر ءمينيسترى ارارات ميرزويان سىرتقى ىستەر مينيسترلەرى كەڭەسى مەن قورعانىس مينيسترلەرى كەڭەسىنىڭ، ۇ ق ش ۇ- عا مۇشە ەلدەردىڭ قاۋىپسىزدىك كەڭەستەرى حاتشىلارى كوميتەتىنىڭ وتىرىسىنا قاتىسپايتىنىن مالىمدەگەن بولاتىن.
«سەسسيا بارىسىندا حالىقارالىق جانە وڭىرلىك قاۋىپسىزدىكتىڭ وزەكتى ماسەلەلەرىن، سونىمەن قاتار اعىمداعى جىلى قازاقستان رەسپۋبليكاسىنىڭ ۇ ق ش ۇ- عا ءتوراعالىق ەتۋ كەزەڭىندە قازاقستان رەسپۋبليكاسىنىڭ باسىمدىقتارىن ورىنداۋ جونىندەگى شارالاردى ىسكە اسىرۋ بارىسىن تالقىلاۋ جوسپارلانىپ وتىر»، - دەپ اتاپ ءوتتى قازاقستان س ءى م باسپا ءسوز قىزمەتى.
ايتا كەتەيىك، پرەزيدەنتتىڭ شاقىرۋىمەن ۆلاديمير پۋتين قازاقستانعا مەملەكەتتىك ساپارمەن كەلەتىنى حابارلاندى.
