استانادا «ورتالىق ازيا - قىتاي» مەديافورۋمى باستالدى

استانا. KAZINFORM - ەلوردادا ورتالىق ازيا ەلدەرى مەن قىتاي ەلى مەديا سالاسى ماماندارىنىڭ قاتىسۋىمەن فورۋم ءوتىپ جاتىر.

مەديافورۋمنىڭ اشىلۋى پرەزيدەنت قاسىم-جومارت توقايەۆتىڭ قۇتتىقتاۋ سوزىمەن اشىلدى.

- قۇرمەتتى دوستار، سىزدەردى قىتاي مەن ورتالىق ازيانىڭ ىقپالداستىعىن ارتتىرۋعا ارنالعان فورۋمنىڭ اشىلۋىمەن قۇتتىقتايمىن. بۇل ءبىزدىڭ ەلىمىزدىڭ مەديا سالاسىنداعى كەلىسىم مەن سەنىمدى ارقاۋ ەتكەن، سەرىكتەستىكتى بەكەمدەي تۇسەتىن باس قوسۋ. بۇگىندە جەر جۇزىندە اۋقىمدى وزگەرىستەر بولىپ جاتىر، ءتۇرلى مادەنيەتتەر مەن قوعام اراسىنداعى التىن كوپىر سانالاتىن جۋرناليستەردىڭ ءرولى بۇرىنعىدان دا ارتىپ كەلەدى. ساۋاتتى ءارى بايىپتى اقپاراتتىق ساياسات، ىنتىماعىمىزدى كۇشەيتىپ، ورنىقتى دامۋىمىزعا سەپتىگىن تيگىزەدى. قازىرگى زاماندا مەديا سالاسىندا بەيبىتشىلىكتى، ءوزارا قولداۋ مەن تاتۋلىقتى دارىپتەيتىن اسا ماڭىزدى قۇرالعا اينالدى. وسى ورايدا قىتاي حالىق رەسپۋبليكاسىنىڭ ءتوراعاسى شي جينپيڭ مىرزانىڭ «ءبىر بەلدەۋ، ءبىر جول» باستاماسىنىڭ ءمانى زور. بىرەگەي جوبا جاھاندىق ىنتىماقتاستىق تۇجىرىمداماسى رەتىندە الەم قاۋىمداستىعىنىڭ جوعارى باعاسىنا يە بولىپ وتىر. قازاقستان قىتاي حالىق رەسپۋبليكاسىمەن دوستىق قاتىناستى دامىتۋعا ايرىقشا ءمان بەرەدى. ءتيىمدى ديالوگ قۇرۋعا ۇمتىلعان ەلدەرىمىزدىڭ مۇددەسى ءبىر، ماقساتى ورتاق. حالىقتاردىڭ ءبىر- ءبىرىن جاقىن تانىپ ءبىلۋى جانە جاھاندىق سىن- قاتەرلەردىڭ شەشىمىن بىرلەسىپ ىزدەۋ وتە ماڭىزدى. بۇعان جاۋاپكەرشىلىگى مول مەديا سالاسى وكىلدەرى زور ۇلەس قوسا الادى. مۇنداي القالى جيىندار ەۋرازيا كەڭىستىگىندە تۇراقتىلىق، اشىقتىق جانە جاسامپازدىق قاعيداتتارىن ورنىقتىرا تۇسۋگە ىقپال ەتەدى. فورۋمعا وسى ايماقتاعى بارلىق ەلدىڭ يگىلىگىنە قىزمەت ەتەتىن تىڭ يدەيالار مەن پاراساتتى پىكىرلەر ايتىلادى دەپ سەنەمىن. بارشاڭىزعا باق- بەرەكە، مول تابىس تىلەيمىن، - دەپ پرەزيدەنت قۇتتىقتاۋىن وقىپ بەردى ق ر پرەزيدەنتىنىڭ ىشكى ساياسات ماسەلەلەرى جانە كوممۋنيكاتسيالار جونىندەگى كومەكشىسى ارمان قىرىقبايەۆ.

جىبەك جولى «ب ا ق- پەن بىرگە: قىتاي مەن ورتالىق ازيانىڭ تىعىز تاعدىر قاۋىمداستىعىن قۇرۋ» تاقىرىبى تاڭدالدى.

مەديافورۋمدى ۇيىمداستىرۋشى «حالىق گازەتى» جانە قازاقستان رەسپۋبليكاسىنىڭ پرەزيدەنتى تەلەراديوكەشەنى. اتالعان ءىس- شاراعا شامامەن 140 سالا مامانى قاتىسىپ جاتىر.

جاقىندا استانادا «قىتاي - ورتالىق ازيا» سامميتى قارساڭىندا ىنتىماقتاستىق پەرسپەكتيۆالارى تالقىلاندى.