استانادا پوليتسەيدى كولىگىمەن سۇيرەگەن جۇرگىزۋشى ۇستالدى

Фото: polisia.kz
Фото: polisia.kz

استانادا ماس جۇرگىزۋشى پوليتسەيدىڭ زاڭدى تالابىنا باعىنباي، كولىگىمەن سۇيرەگەن، دەپ حابارلادى Halyq Uni ءتىلشىسى.

«ماس جۇرگىزۋشى - قىلمىسكەر!» جەرگىلىكتى رەيد بارىسىندا پاترۋلدىك پوليتسيا قىزمەتكەرلەرى KIA كولىگىنىڭ جۇرگىزۋشىسىن ماس كۇيىندە ۇستادى. حابارلاما كۇندىزگى ۋاقىتتا «102» پۋلتىنە تۇسكەن. وقيعا ورنىنا جەدەل جەتكەن پوليتسيا قىزمەتكەرلەرى ماسكەۋ مەن پوتانين كوشەلەرىنىڭ قيىلىسىندا جولدىڭ قارسى جاعىنداعى KIA كولىگىن انىقتاعان.

ساقشىلاردىڭ توقتاتۋ تالاپتارىن ەلەمەگەن جۇرگىزۋشى جول قوزعالىسىنا قاتىسۋشىلارعا قاۋىپ ءتوندىرىپ، كولىكتى جۇرگىزۋىن جالعاستىرا بەرگەن. الايدا ول كوشە قيىلىسىندا الدىندا كولىكتەر تۇرعاندىقتان باعدارشامنىڭ قىزىل تۇسىنە توقتاۋعا ءماجبۇر بولعان. وسى كەزدە پوليتسەي كولىككە جۇگىرىپ كەلىپ، ەسىكتى اشپاق بولعاندا جۇرگىزۋشى جىلدامدىقتى ارتتىرىپ، ينسپەكتوردى جول بويىمەن 20-30 مەتردەي سۇيرەپ اكەتكەن.

مەديتسينالىق ساراپتاما قورىتىندىسىنا سايكەس، جۇرگىزۋشىنىڭ كولىكتى ورتاشا دارەجەدەگى ماس كۇيىندە باسقارعانى بەلگىلى بولعان. سونىمەن قاتار 23 جاستاعى جاس جىگىتتىڭ جۇرگىزۋشى كۋالىگى دە بولماعانى انىقتالعان. قۇقىق بۇزۋشىعا قاتىستى اكىمشىلىك كودەكستىڭ ەكى بابىمەن - ىشكى ىستەر ورگانى قىزمەتكەرىنىڭ زاڭدى تالابىن ورىنداماۋ جانە ماساڭ كۇيدە باسقارۋعا قۇقىعى جوق ادامنىڭ كولىك قۇرالىن باسقارۋى بويىنشا ءىس قوزعالدى.

سوت شەشىمىمەن جۇرگىزۋشى 20 تاۋلىككە قاماۋعا الىنىپ، كولىك كوممۋنالدىق تۇراققا قويىلدى.

 

سوڭعى جاڭالىقتار