22:56, 20 - مامىر 2025 | GMT +5
استانادا توبەلەسكەن جۇرگىزۋشىلەر 15 تاۋلىككە قامالدى
استانا. KAZINFORM - استانادا جۇرگىزۋشىلەر 15 تاۋلىككە قامالدى، دەپ حابارلايدى El.kz اقپارات اگەنتتىگى.
الەۋمەتتىك جەلىلەردى مونيتورينگتەۋ بارىسىندا پوليتسيا قىزمەتكەرلەرى جۇمابايەۆ پەن ايناكول كوشەلەرىنىڭ قيىلىسىندا ەكى جۇرگىزۋشى اراسىندا بولعان توبەلەستى انىقتادى. بەلگىلى بولعانداي، Audi جانە Chevrolet Cobalt اۆتوكولىكتەرىنىڭ جۇرگىزۋشىلەرى اراسىندا جولدى بولىسە الماۋدان كيكىلجىڭ باستالىپ، ارتى جۇدىرىقتاسۋعا ۇلاسقان. وقيعاعا قاتىسۋشىلار دەرەۋ ۇستالدى.
ۇساق بۇزاقىلىق بويىنشا اكىمشىلىك ءىس قوزعالدى. سوت شەشىمىمەن ءاربىر قۇقىق بۇزۋشىعا 15 تاۋلىككە اكىمشىلىك قاماۋ جازاسى تاعايىندالدى. پوليتسيا «زاڭ مەن ءتارتىپ» قاعيداتى اياسىندا كەز كەلگەن قۇقىق بۇزۋشىلىقتارعا توسقاۋىل قويىلاتىنىن ەسكەرتەدى.
