استانادا تۇرك پ ا باس حاتشىسى سايلاندى
استانا. KAZINFORM - تۇركى مەملەكەتتەردىڭ پارلامەنتتىك اسسامبلەياسىنىڭ پلەنارلىق وتىرىسىندا تۇرك پ ا با س حاتشىسى بولىپ راميل گاسان سايلاندى.
- تۇرك پ ا باس حاتشىلىعىنىڭ رەگلامەنتى بويىنشا باس حاتشى لاۋازىمىنا كانديداتۋرانى ازەربايجان تاراپى ۇسىنۋ كەرەك. اسسامبلەيا كەڭەسىنىڭ وتىرىسىندا ازەربايجان تاراپى وسى لاۋازىمعا ۇسىنعان راميل گاسان مىرزانىڭ كانديداتۋراسى ماقۇلداندى، - دەدى پلەنارلىق وتىرىس مودەراتورى، ءماجىلىس ءتوراعاسى ەرلان قوشانوۆ.
داۋىس بەرۋ قورىتىندىسى بويىنشا اتالعان كانديداتۋرا ءبىراۋىزدان قولداۋ تاپتى.
راميل گاسان بۇل قىزمەتكە 2025 -جىلدىڭ 15-قازانىنان باستاپ كىرىسپەك.
سونداي-اق، تۇرك پ ا باس حاتشىسىنىڭ ورىنباسارى بولىپ مۇحاممەد الپەر حايالي سايلاندى.
تۇرك پ ا كوميسسيالارىنىڭ بىرنەشە ءتوراعا ورىنباسارى دا سايلاندى. ولار: ءبىلىم، مادەنيەت، الەۋمەتتىك جانە گۋمانيتارلىق ماسەلەلەر جونىندەگى كوميسسيا ءتوراعاسىنىڭ ورىنباسارى - ازەربايجان رەسپۋبليكاسى ميللي مەدجليسىنىڭ دەپۋتاتى گۋناي افانديەۆا، ەكونوميكالىق ىنتىماقتاستىق جونىندەگى كوميسسيا ءتوراعاسىنىڭ ورىنباسارى - قىرعىز رەسپۋبليكاسى جوگوركۋ كەنەشىنىڭ دەپۋتاتى شولپون سۇلتانبەكوۆا.
ايتا كەتەيىك، بۇگىنگى پلەنارلىق وتىرىس قورىتىندىسى بويىنشا تۇرك پ ا- عا ءتوراعالىق ازەربايجاننان قازاقستانعا ءوتىپ، استانا دەكلاراتسياسى قابىلدانادى.
