استانادا تۇرعىندى سان سوقتىرعان جيھاز جاساۋشى ۇستالدى

استانا. قازاقپارات - استانادا تۇرعىندى سان سوقتىرعان جيھاز جاساۋشى انىقتالدى، - دەپ حابارلايدى Polisia.kz سايتى.

پوليتسياعا ەلوردا تۇرعىنى جۇگىنىپ، الاياقتىق ارەكەتتەردىڭ قۇربانى بولعانىن ايتىپ ارىزدانعان. جابىرلەنۋشىنىڭ ايتۋىنشا، ول جيھاز جاساپ بەرۋگە ۋادە بەرگەن شەبەرگە 500 مىڭ تەڭگە بەرگەن. بايقوڭىر اۋدانى پ ب كريمينالدىق پوليتسيا قىزمەتكەرلەرى الاياقتىق جاسادى دەگەن كۇدىكپەن قالانىڭ 41 جاستاعى تۇرعىنىن انىقتادى.

تەرگەۋ بارىسىندا بەلگىلى بولعانى، ەر ادام جابىرلەنۋشىنىڭ مەكەنجايىنا كەلىپ، جيھاز تۇراتىن جەردى كەسىپ-ءپىشىپ، ونىڭ سەنىمىنە كىرگەن. كۇدىكتى جيھازدى قىسقا مەرزىمدە جاسايمىن دەپ ۋادە بەرگەن، الايدا كەيىننەن بايلانىسقا شىقپاي قويعان. جابىرلەنۋشى الدانعانىن سەزىپ، پوليتسياعا ارىزدانعان.

بۇل دەرەك بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ەر ادامنىڭ ەلوردا اۋماعىندا جاسالعان باسقا دا قىلمىستارعا قاتىسى بار-جوعى تەكسەرىلىپ جاتىر.