استانادا تۇران داڭعىلى جوندەۋ جۇمىسىنا بايلانىستى ۋاقىتشا جابىلدى
استانا. KAZINFORM - استانا قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى تۇران داڭعىلىنىڭ سارايشىق كوشەسىنەن كەرەي جانىبەك حاندار كوشەسىنە دەيىنگى ارالىعىنا ورتاشا جوندەۋ جۇرگىزەدى، دەپ حابارلايدى ەلوردا اكىمدىگىنىڭ رەسمي سايتى.
وسىعان بايلانىستى، 30 -مامىردان 8-ماۋسىمعا دەيىن اتالعان ۋچاسكەدەگى قوزعالىس ءىشىنارا كەزەڭ-كەزەڭىمەن جابىلادى. بۇل رەتتە كولىك قوزعالىسى قالادان اۋەجايعا قاراي ءبىر باعىتتا ۇيىمداستىرىلاتىن بولادى.
وسى ورايدا 2023 -جىلى تۇران داڭعىلى تۇلپار كوپىرىنەن سارايشىق كوشەسىنە دەيىنگى ۋچاسكەسىندە، سول سياقتى 2024 -جىلى كەرەي جانىبەك حاندار كوشەسىنىڭ جۇلدىز اينالىمىنا دەيىنگى ۋچاسكەسىندە جۇمىس جۇرگىزىلگەنىن ەستەرىڭىزگە سالامىز.
جۇرگىزۋشىلەر مەن جاياۋ جۇرگىنشىلەر قوزعالىس باعىتىن الدىن الا جوسپارلاۋى جانە ىقتيمال وزگەرىستەردى ەسكەرۋى قاجەت. قاۋىپسىزدىكتى قامتاماسىز ەتۋ جانە قولايسىزدىقتى ازايتۋ ءۇشىن ۋاقىتشا جول بەلگىلەرى مەن كورسەتكىشتەر ورناتىلادى.
بۇعان دەيىن الماتىدا اباي داڭعىلىن ۇزارتۋ جۇمىستارى اياقتالعانىن حابارلاعان ەدىك.
