استانادا تانىسىنىڭ كولىگىن زاڭسىز ايداپ كەتكەن ازامات جول اپاتىنا تاپ بولدى
استانا. قازاقپارات - استانادا تانىسىنىڭ Chevrolet Cobalt اۆتوكولىگىن زاڭسىز ايداپ كەتكەن ازامات جول اپاتىن جاسادى.
جەدەل-ىزدەستىرۋ ءىس-شارالارىن وتكىزۋ كەزىندە پاترۋلدىك پوليتسيا قىزمەتكەرلەرى 27 جاستاعى قالا تۇرعىنىن انىقتادى. تەرگەۋ بارىسىندا بەلگىلى بولعانى، ەر ادام تۇنگى ۋاقىتتا وزەن كوشەسىندەگى ءۇيدىڭ اۋلاسىندا كۋرستاسى مەن ونىڭ جانىنداعى جابىرلەنۋشىنى كەزىكتىرگەن. اڭگىمە بارىسىندا ماس كۇيدە بولعان قاسكۇنەم كولىك يەسىنىڭ قولىنان كىلتتى تارتىپ الىپ، اتالعان كولىكتى ايداپ كەتكەن.
الايدا ول الىسقا ۇزاپ ۇلگەرمەي، كورشى كوشەدەگى ءۇيدىڭ قورشاۋىنا سوعىلعان. كەلتىرىلگەن ماتەريالدىق شىعىن 2 ميلليون تەڭگەگە جۋىق.
اتالعان فاكتى بويىنشا قىلمىستىق ءىس قوزعالدى. كۇدىكتىنىڭ قالا اۋماعىندا جاسالعان باسقا دا وسىعان ۇقساس قىلمىسقا قاتىسى بار-جوعى تەكسەرىلىپ جاتىر.
