استانادا تاكسيست ۆوكزالدان تۇسكەن جولاۋشىنى قاسىندا تۇرعان «ساپارجايعا» اقىعا اپارعان
استانادا تاكسي جۇرگىزۋشىسى شەتەلدىكتى 150 مەتر جەرگە اپارعان، دەپ حابارلايدى قازاقپارات پوليتسياعا سىلتەمە جاساپ.

استانا تەمىرجول ۆوكزالىندا رەيد كەزىندە كولىك پوليتسەيلەرى ەلوردانىڭ 50 جاستاعى تۇرعىنىن انىقتادى.
ول تەمىرجول ۆوكزالىنان ەكى جولاۋشىنى تاسىمالداعان.
ەر ادام ءبىر جولاۋشىنىڭ شەتەلدىك ەكەنىن ءارى قالانى بىلمەيتىنىن پايدالانىپ، ونى ۆوكزالدان 150 مەتر قاشىقتىقتا ورنالاسقان «ساپارجاي» اۆتوۆوكزالىنا 500 تەڭگەگە اپارۋعا كەلىسكەن.
اتالعان فاكتى بويىنشا قۇقىقبۇزۋشى ق ر ا ق ب ت ك 449-بابىنىڭ 1-بولىگى (قوعامدىق ورىنداردا ءتيىسۋ) جانە ا ق ب ت ك 463-بابىنىڭ 1-بولىگى (ءتيىستى تىركەۋسىز كاسىپكەرلىك قىزمەتپەن اينالىسۋ) بويىنشا اكىمشىلىك جاۋاپكەرشىلىككە تارتىلدى.
ەستەرىڭىزگە سالا كەتەيىك، اكىمشىلىك جازا قولدانىلعاننان كەيىن ءبىر جىل ىشىندە قايتالاپ جاسالعان قوعامدىق ورىنداردا تيىسكەنى ءۇشىن 10 ا ە ك ايىپپۇل نەمەسە 5 تاۋلىككە قامالادى.
زاڭسىز كاسىپكەرلىك قىزمەتپەن اينالىسقانى ءۇشىن جەكە تۇلعالارعا 30 ا ە ك مولشەرىندە ايىپپۇل قارالعان.