استانادا ستۋدەنتتەرگە وقۋ اقىسىن تولەۋگە الەۋمەتتىك كومەك كورسەتىلەدى
استانا. قازاقپارات - 1-شىلدەدەن باستاپ ەلوردالىق ستۋدەنتتەرگە وقۋ اقىسىنا وتەماقى الۋ ءۇشىن قۇجات قابىلداۋ باستالادى، دەپ حابارلايدى قالالىق جۇمىسپەن قامتۋ جانە الەۋمەتتىك قورعاۋ باسقارماسى.
- 2025 -جىلعى 1-شىلدە مەن 23-تامىز ارالىعىندا استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى ەلورداداعى جوعارى وقۋ ورىندارىنا كۇندىزگى بولىمگە وقۋعا تۇسكەن ستۋدەنتتەرگە وقۋ اقىسىن تولەۋ ءۇشىن الەۋمەتتىك كومەك كورسەتۋگە وتىنىشتەر قابىلدايدى، - دەلىنگەن حابارلامادا.
بۇل باستاما الەۋمەتتىك وسال توپتاردان شىققان تالاپكەرلەرگە قولداۋ كورسەتۋ ماقساتىندا جۇزەگە اسىرىلادى.
الەۋمەتتىك كومەككە ۇمىتكەرلەر مىنا قۇجاتتاردى تاپسىرۋى قاجەت:
جەكە كۋالىك (كوشىرمەسىمەن)؛
وزىنە جانە وتباسى مۇشەلەرىنە قاتىستى جيىنتىق تابىسى تۋرالى مالىمەتتەر؛
جەتىم بالالار ءۇشىن: اتا-اناسىنىڭ قايتىس بولۋى تۋرالى كۋالىك پەن تۋۋ تۋرالى كۋالىكتىڭ كوشىرمەسى؛
كوپبالالى وتباسىدان شىققان بالالار ءۇشىن: كوپبالالى وتباسى مارتەبەسىن راستايتىن قۇجات كوشىرمەسى؛
استانا قالاسىنىڭ ورتا مەكتەبىن بىتىرگەنىن راستايتىن اتتەستات؛
ۇ ب ت سەرتيفيكاتى (مەملەكەتتىك ۇلگىدەگى)؛
ەكىنشى دەڭگەيدەگى بانك نەمەسە «قازپوشتا» ا ق- داعى جەكە شوت ءنومىرى تۋرالى مالىمەت.
سونىمەن قاتار قوسىمشا اقپارات الۋ ءۇشىن اۋداندىق بولىمشەلەردىڭ بايلانىس نومىرلەرىنە حابارلاسۋ كەرەك:
الماتى اۋدانى: 550174، 87028375005
بايقوڭىر اۋدانى: 557232، 87759629157
ەسىل اۋدانى: 557450، 87718041625
نۇرا اۋدانى: 556840، 87029665229
سارايشىق ءبولىمى: 556822، 87012552056
سارىارقا اۋدانى: 551487، 87025468695
وسىعان دەيىن استانالىق وقۋشىلار كۇن ەنەرگياسىمەن جۇمىس ىستەيتىن ەكو- سۋبۇرقاق ويلاپ تاپقانىن جازعانبىز.
