استانادا ريم پاپاسى فرانتسيسكتى ەسكە الۋ مەسساسى ءوتتى
استانا. KAZINFORM - استاناداعى ۇدايى كومەك قۇداي اناسىنىڭ ريم-كاتوليكتىك پريحودىندا ريم پاپاسى فرانتسيسكتى ەسكە الۋعا ارنالعان عيبادات ەتۋ ءراسىمى ءوتتى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
- ارحيەپيسكوپ-ميتروپوليت توماش پەتا دىنشىلدەردى قاسيەتتى اكە فرانتسيسكتىڭ رۋحىنىڭ تىنىشتىعى ءۇشىن دۇعا ەتۋگە شاقىردى. ونىڭ نيەتىنىڭ قاسيەتتى مەسساسى بۇگىن كەشكە استاناداعى اۋليە ماريا ارحيەپارحياسىنىڭ كافەدرالدىق سوبورىندا وتەدى، - دەپ حابارلادى پريحودتا.
سەيسەنبى، 22-ءساۋىر كۇنى ساعات 20:00 دە ريم پاپاسى فرانتسيسكتىڭ رۋحىن تىنىشتاندىرۋعا ارنالعان جالپى قازاقستاندىق دۇعا وقىلادى. استاناداعى كافەدرالىق سوبوردان تىكەلەي كورسەتىلىم مىنا سىلتەمە ارقىلى قولجەتىمدى بولادى.
بۇعان دەيىن ريم پاپاسى فرانتسيسك 89 جاسقا قاراعان شاعىندا كوز جۇمعانىن جازعان بولاتىنبىز.
ول 1200-جىلدان استام ۋاقىتتان بەرگى كاتوليك شىركەۋىن باسقارعان ءبىرىنشى يەزۋيت، ءبىرىنشى لاتىنامەريكالىق جانە شىققان تەگى ەۋروپالىق ەمەس تۇڭعىش ريم پاپاسى بولعان ەدى. ريم پاپاسى قانداي ىسىمەن ەستە قالعانى جانە ونىڭ بيلىگى تۇسىندا قازاقستان مەن ۆاتيكاننىڭ قارىم- قاتىناسى قانداي ارنادا دامىعانى جايلى Kazinform اگەنتتىگى مەنشىكتى ءتىلشىسىنىڭ ماتەريالىنان وقىڭىزدار.
