استانادا رەسپۋبليكا كۇنىندە قانداي ءىس-شارالار وتەدى
ەلوردادا 25- قازان - رەسپۋبليكا كۇنى قارساڭىندا وتەتىن ءبىرقاتار ءىس-شارانىڭ ءتىزىمى جاريالاندى، دەپ حابارلايدى Kazinform.
«رەسپۋبليكا كۇنى - ەگەمەندىگىمىزدى عانا ەمەس، بۇل قازاقستاننىڭ جالپى ءال-اۋقاتىنا قوسقان ادامداردىڭ ۇلەسىنە ەرەكشە قۇرمەتپەن قارايتىن كۇن. وسىمەن ەكىنشى جىل قاتارىنان ەلىمىزدىڭ تۇكپىر-تۇكپىرىندە مەملەكەتتىك ءانۇران شىرقالىپ، پاتريوتتىق شىعارمالار حالىققا جول تارتۋدا. سول سياقتى ۇيلەردىڭ قاسبەتتەرى مەن تەرەزەلەرىندە مەملەكەتتىك تۋ جەلبىرەپ، جاپپاي فلەشموبتار ۇيىمداستىرىلىپ جاتىر»، - دەدى استانا قالاسى ىشكى ساياسات باسقارماسىنىڭ باسشىسى نۇرداۋلەت ءالمۇحانوۆ قالالىق كوممۋنيكاتسيالار ورتالىعىندا وتكەن بريفينگىدە.
بيىل رەسپۋبليكا كۇنى مەرەكەسىنە وراي ەلوردادا 200 دەن استام ءىس-شارا وتەدى. ونىڭ ىشىندە مادەني-بۇقارالىق، سپورتتىق جانە الەۋمەتتىك، مەرەكەلىك كونسەرتتەر، اۆتوشەرۋلەر، كورمەلەر، بالالارعا ارنالعان كورىكتى جەرلەرگە ەكسكۋرسيالار.
سونىمەن قاتار، دوڭگەلەك ۇستەلدەر، ۇلتتىق سپورت تۇرلەرىنەن تۋرنيرلەر وتكىزۋ جانە باسقا دا كوپتەگەن ءىس-شارا جوسپارلانىپ وتىر.
استانادا 25- قازان رەسپۋبليكا كۇنىنە وراي وتەتىن مادەني جانە سپورتتىق ءىس-شارالار ءتىزىمى:
22- قازاندا كونكۋردان قازاقستان رەسپۋبليكاسىنىڭ چەمپيوناتى؛
23- قازان مەن 6- قاراشا ارالىعىندا جاستار مەن جاس وسپىرىمدەر اراسىنداعى بوكستان ازيا چەمپيوناتى وتەدى؛
23- قازان استاناداعى م. گوركي اتىنداعى ورىس دراما تەاترى كۇردەلى جوندەۋدەن كەيىن جاڭارتىلعان تاريحي عيماراتتا 123-تەاتر ماۋسىمى اشىلادى؛
26-28- قازاندا م. گوركي اتىنداعى ورىس دراما تەاترى تەاتر فورۋمىن وتكىزەدى؛
24- قازان «ناز» مەملەكەتتىك ءبي تەاترىنىڭ «رەسپۋبليكام قازاقستان» اتتى مەرەكەلىك كونسەرتى وتەدى؛
24- قازان ساعات 18:00 دە ەركەعالي راحماديەۆ اتىنداعى مەملەكەتتىك اكادەميالىق فيلارمونيادا شىعارماشىلىق ۇجىمداردىڭ قاتىسۋىمەن مەرەكەلىك كونسەرت وتەدى؛
24- قازان كۇنى بارىس ارەنادا ساعات 20.00 دە قازاق ەلىنىڭ اتىن الەمگە تانىتىپ جۇرگەن، بىردەي ءۇش اۋەننىڭ باسىن قوسىپ، كۇيدىڭ قۇدىرەتىن الەمگە سەزىندىرگەن «ۇلىتاۋ» توبىنىڭ 25 جىلدىعىنا وراي كونسەرت وتەدى؛
25- قازان ساعات 17.00 دە بەيبىتشىلىك جانە كەلىسىم سارايىندا «وتان قىمبات» اتتى كونسەرت-سپەكتاكلى وتەدى. بيلەتتەر تيكەتون سايتىندا.