استانادا رەفەرەندۋم كۇنى 39 ءسابي ومىرگە كەلدى
استانا. KAZINFORM - ەلوردا تۇرعىندارى ءۇشىن رەسپۋبليكالىق رەفەرەندۋمعا قاتىسۋ، سونداي-اق پەرزەنتحانالارداعى قۋانىشتى وقيعالارمەن تۇسپا-تۇس كەلدى، دەپ جازدى ەلوردا اكىمدىگىنىڭ رەسمي سايتى.
استانادا 2024 -جىلعى 6-قازاندا ساعات 00:00-دەن 15:00-گە دەيىن 39 نارەستە ومىرگە كەلدى، ونىڭ ىشىندە 29 ى - ۇل جانە 10 ى - قىز.
ەلوردانىڭ ءۇش پەرزەنتحاناسىندا سابيلەر ءومىر ەسىگىن اشتى.
نارەستەلەر مەن ولاردىڭ انالارى جاقسى جاعدايدا جانە ءتيىستى كۇتىم كورسەتىلىپ جاتىر. رەفەرەندۋم كۇنى ەلوردانىڭ مەديتسينالىق مەكەمەلەرى اكۋشەرلىك بولىمشەلەردەگى ايەلدەرگە داۋىس بەرۋ مۇمكىندىگىن ۇيىمداستىردى. ارنايى سايلاۋ ۋچاسكەلەرى تىكەلەي اۋرۋحانالاردا اشىلدى، بۇل جۇكتى جانە بوسانعان ايەلدەرگە مەديتسينالىق مەكەمەلەردەن شىقپاي-اق تاڭداۋ جاساۋعا مۇمكىندىك بەردى.
ايتا كەتەيىك، ورال قالاسىندا ەل تاريحى ءۇشىن ماڭىزدى كۇنى شاڭىراق كوتەرىپ، قول ۇستاسىپ داۋىس بەرۋگە كەلگەن جاس-جۇبايلار كوپشىلىكتى ءسۇيسىنتتى.
