ترامپقا قاتىستى تەرگەۋ جۇرگىزگەن ءبولىم تاراتىلادى
استانا. KAZINFORM – ا ق ش فەدەرالدىق تەرگەۋ بيۋروسىنىڭ ۆاشينگتونداعى ءبولىمى ارنايى وكىل دجەك سميتكە پرەزيدەنت دونالد ترامپقا قاتىستى تەرگەۋ جۇرگىزۋگە كومەكتەسكەن مەملەكەتتىك ورگاندارداعى سىبايلاس جەمقورلىقپەن كۇرەس ءبولىمىنىڭ جۇمىسىن توقتاتادى، دەپ حابارلايدى NBC News.
«CR15» دەپ اتالاتىن بولىمشە ترامپ جانە ونىڭ وداقتاستارىنىڭ 2020-جىلعى سايلاۋ قورىتىندىلارىن جويۋ ارەكەتىن تەرگەدى. بۇل تەرگەۋ ترامپقا قارسى ەكى فەدەرالدى قىلمىستىق ءىستىڭ بىرىنە اكەلدى، ولاردىڭ ەكەۋى دە ول سايلانعاننان كەيىن توقتاتىلدى.
بولىمشەنى جابۋ تۋرالى شەشىم ف ت ب رەسۋرستارىن ا ق ش- تىڭ ميگرايا جانە كەدەگ پوليتسياسىنىڭ قۇزىرىنداعى ميگراتسيالىق باقىلاۋعا قاراي ءبولۋ جۇمىستارى اياسىندا قابىلداندى.
- مەنىڭ باقىلاۋىم ف ت ب CR-15 بولىمشەسى اسىرەسە پرەزيدەنت ترامپ پەن ونىڭ وداقتاستارىنا قارسى ءبىرجاقتى ساياسي شابۋىلداردى جۇزەگە اسىرۋ ءۇشىن پايدالانعانىن قايتا-قايتا كورسەتتى. مەن بولىمشەنىڭ زاڭعا قايشى ارەكەتتەرىن اشكەرەلەگەننەن كەيىن ونىڭ جابىلعانى جاقسى جاڭالىق، - دەدى سەناتتاعى زاڭ كوميتەتىنىڭ ءتوراعاسى چاك گراسسلي (ايوۆادان رەسپۋبليكاشىل) ءوز مالىمدەمەسىندە.
ترامپ جانە ونىڭ وداقتاستارىنىڭ 2020-جىلعى سايلاۋ قورىتىندىلارىن جويۋ ارەكەتتەرىنە قاتىستى تەرگەۋ ترامپ 2024-جىلعى پرەزيدەنتتىك سايلاۋعا قاتىسۋ نيەتىن جاريالاماس بۇرىن، 2022-جىلدىڭ ساۋىرىندە باستالدى. ترامپ ءوزىنىڭ سايلاۋالدى ناۋقانىن باستاعاننان كەيىن بۇرىنعى باس پروكۋرور مەرريك گارلاند 2022-جىلدىڭ سوڭىندا سميتتى ارنايى كەڭەسشى ەتىپ تاعايىندادى.
ترامپقا 2023-جىلدىڭ تامىزىندا ايىپ تاعىلدى، ءبىراق سوت اپەللياتسيالىق شاعىمدارعا بايلانىستى كەيىنگە قالدىرىلدى، اقىرى جوعارعى سوت ترامپقا پرەزيدەنت رەتىندە قابىلداعان رەسمي ارەكەتتەرى ءۇشىن يممۋنيتەت بەرۋ تۋرالى شەشىم قابىلدادى.
بۇعان دەيىن ا ق ش كونگرەسىنىڭ سەناتى كەش پاتەلدىڭ كانديداتۋراسىن ا ق ش فەدەرالدى تەرگەۋ بيۋروسىنىڭ (ف ت ب) ديرەكتورى لاۋازىمىنا بەكىتكەنىن جازعان بولاتىنبىز.
