استانادا قىلمىس دەڭگەيى 9 پايىزعا تومەندەدى
استانا. KAZINFORM - ەلوردا تۇرعىندارى مەن قوناقتارىنىڭ قاۋىپسىزدىگىن قامتاماسىز ەتۋ ماقساتىندا ءتيىستى شارالار قابىلدانىپ جاتىر. بۇل تۋرالى استانا قالاسى پوليسيا دەپارتامەنتىنىڭ باستىعى مارات تولەبايەۆ قالا اكىمدىگىندە وتكەن جيىندا حابارلادى.
- قابىلدانعان شارالاردىڭ ناتيجەسىندە ەلوردادا تىركەلگەن قىلمىستار سانى 9 پايىزعا ازايدى. اتاپ ايتقاندا اسا اۋىر قىلمىستار؛ ادام ءولتىرۋ، زورلاۋ، قاراقشىلىق، بۇزاقىلىق فاكتىلەرىن اشۋ كورسەتكىشى ارتتى، - دەدى دەپارتامەنت باسشىسى.
ونىڭ ايتۋىنشا، ەسىرتكى قىلمىستارى مەن كولىك ۇرلىعى سىندى اۋىر ساناتتاعى قۇقىق بۇزۋشىلىقتاردى اشۋ كورسەتكىشى دە جاقسارعان.
- ينتەرنەت الاياقتىعىنا قارسى ءىس- قيمىل شارالارىنىڭ ارقاسىندا ونلاين قىلمىستار سانى قىسقارىپ، ولاردى اشكەرەلەۋ دەڭگەيى ارتتى. بۇل باعىتتا 77 ادام مەن 3 قىلمىستىق توپ ۇستالدى. سونداي- اق، 450 جالعان حابارلاندىرۋ مەن قۇقىققا قارسى ينتەرنەت- رەسۋرستار بۇعاتتاۋعا جولداندى. پروكۋراتۋرا «قازاقتەلەكوممەن» بىرلەسىپ، ەكى كولل- ورتالىقتىڭ جۇمىسىن توقتتى، - دەدى مارات تولەبايەۆ.
سپيكەردىڭ ايتۋىنشا، ناشاقورلىققا قارسى كۇرەس شەڭبەرىندە «استانا - ەسىرتكىسىز قالا» باعدارلاماسى ىسكە اسىرىلىپ جاتىر.
- ەسىرتكىمەن كۇرەس تاسىلدەرى جاڭارتىلىپ، ونلاين ورتادا تارالاتىن ەسىرتكى ارنالارىنا توسقاۋىل قويۋ جۇمىسى كۇشەيتىلدى. اتالعان باعىتتا 488 ينتەرنەت-رەسۋرس بۇعاتتاۋعا جىبەرىلىپ، 48,5 ميلليون تەڭگە كولەمىندەگى قاراجات پەن 1792 بانك كارتاسى تاركىلەندى. زاڭسىز ەسىرتكى جارناماسىنا بايلانىستى 8 قىلمىستىق ءىس قوزعالدى، - دەدى دەپارتامەنت باسشىسى.
جالپى، جىل باسىنان بەرى ەسىرتكىگە قاتىستى 528 قۇقىق بۇزۋشىلىق فاكتىسى تىركەلىپ، ونىڭ ىشىندە 131 ءىس - ساتۋ دەرەگى رەتىندە تانىلعان. تاركىلەنگەن ەسىرتكىنىڭ جالپى سالماعى ارتقان. سونىمەن قاتار، ەسىرتكى بيزنەسىمەن اينالىسقان ءۇش قىلمىستىق توپتىڭ قىزمەتىنە توسقاۋىل قويىلعان.
بۇعان دەيىن، جاساندى ينتەللەكت «سوتقا دەيىنگى تەرگەپ-تەكسەرۋدىڭ ءبىرىڭعاي ءتىزىلىمى» اقپاراتتىق جۇيەسىنە بىرىكتىرىلگەن جانە تەرگەۋشىنىڭ كۇندەلىكتى جۇمىسىن اۆتوماتتاندىرۋعا كومەكتەسەتىنىن جازعانبىز.
