استانادا قالا كۇنىنە وراي مەرەكەلىك وتشاشۋ ءوتتى
استانا. KAZINFORM - استانا كۇنىنە ارنالعان مەرەكەلىك باعدارلاما اياسىندا ەلوردادا ەرەكشە وتشاشۋ ءوتتى. شارا دەمەۋشىلەردىڭ قولداۋىمەن ءوتتى، دەپ حابارلايدى استانا قالاسى اكىمدىگىنىڭ رەسمي سايتى.
وتشاشۋ 23:00 شاماسىندا بوتانيكالىق باق اۋماعىنان اتىلدى. وتشاشۋدىڭ جالپى ۇزاقتىعى - 5 مينۋت، ال اتىلعان فەيەرۆەرك سانى - 1700-دەن استى.
«استانا ارەنا» ستاديونى ماڭىنداعى ۇلكەن كونسەرتتە قازاقستاندىق ەسترادا جۇلدىزدارى مەن شىعارماشىلىق ۇجىمدار ونەر كورسەتتى. ولاردىڭ قاتارىندا قازىبەك قۇرايىش، اتى اڭىزعا اينالعان «دوس- مۇقاسان» توبى، جاستاردىڭ سۇيىكتى توبى 6elucci، جانار دۇعالوۆا، ءالي وقاپوۆ، ليمبا، اتيللا، ارو، جۇبانىش جەكسەن، نازيما، يلحان جانە تۇرار بار.
ايتا كەتەيىك، استانا كۇنىنە وراي ەلوردادا 100 دەن استام ءارتۇرلى باعىتتاعى ءىس- شارا ءوتتى. قالا تۇرعىندارى مەن قوناقتارى ءۇشىن كونسەرتتەر، شوۋ، تەاترلاندىرىلعان قويىلىمدار، كورمەلەر، سپورتتىق جارىستار جانە باسقا دا ەرەكشە ءىس- شارالار ۇيىمداستىرىلدى.
بۇگىن استانادا پلاستيكتەن جاسالعان الىپ مىسىق پايدا بولدى.
