استانادا ناسىباي ساتقان كاسىپكەرلەر جازاعا تارتىلدى

استانا. KAZINFORM - مەملەكەت باسشىسىنىڭ تاپسىرماسىن ورىنداۋ ماقساتىندا استانا قالاسى الماتى اۋدانى اكىمدىگى 2024 -جىلعى 18-ناۋرىز بەن 23-مامىر ارالىعىندا اۋداندىق پوليتسيا بولىمىمەن، بەلسەندىلەرمەن جانە جاستارمەن بىرلەسىپ، ناسىباي مەن مەن سنيۋستى زاڭسىز ساتۋ بويىنشا كاسىپكەرلىك نىساندارىندا رەيدتەر جۇرگىزدى.

ءىس-شارانىڭ باستى ماقساتى - شەگىلمەيتىن تەمەكى ونىمدەرىن پايدالانۋدىڭ زيانى تۋرالى تۇسىندىرمە اڭگىمە جۇرگىزۋ.

رەيد بارىسىندا 200 دەن استام نىسان نازارعا الىنعان. ناتيجەسىندە 64 فاكتى انىقتالدى، ونىڭ ىشىندە:

- 42 شەگىلمەيتىن تەمەكى ونىمدەرىن (ناسىباي) وتكىزۋ فاكتىسى. بارلىق فاكتىلەر بويىنشا ق ر ا ق ب ت ك-نىڭ 196-بابى بويىنشا 25 ا ە ك مولشەرىندە ايىپپۇل سالۋ تۇرىندەگى اكىمشىلىك جازا قولدانۋمەن اكىمشىلىك حاتتامالار تولتىرىلدى؛

- مەكەمەلەردە تەمەكى ونىمدەرىن (كاليان) تۇتىنۋدىڭ 21 فاكتىسى بويىنشا ق ر ا ق ب ت ك-نىڭ 441-بابى بويىنشا اكىمشىلىك حاتتامالار ءتۇزىلىپ، 15 ا ە ك سوماسىندا ايىپپۇل سالۋ تۇرىندەگى اكىمشىلىك جازا قولدانىلدى؛

- جيىرما ءبىر جاسقا تولماعان ادامدارعا تەمەكى ونىمدەرىن ساتۋدىڭ 1 فاكتىسى تىركەلدى. ق ر ا ق ب ت ك-نىڭ 423-1 بابى بويىنشا 15 ا ە ك مولشەرىندە ايىپپۇل سالۋ تۇرىندەگى اكىمشىلىك جازا قولدانۋ ارقىلى اكىمشىلىك حاتتاما تولتىرىلدى.

تاركىلەنگەن شەگىلمەيتىن تەمەكى ونىمدەرى جويىلدى.

سونداي-اق، رەيد بارىسىندا شاعىن جانە ورتا بيزنەس سۋبەكتىلەرىمەن شەگىلمەيتىن تەمەكى ونىمدەرىن ساتۋدىڭ الدىن الۋ جونىندە پروفيلاكتيكالىق اڭگىمە جۇرگىزىلدى.

جىل باسىنان بەرى تەمەكى ونىمدەرىن، ونىڭ ىشىندە كالياندى تۇتىنۋدىڭ 270 فاكتىسى انىقتالعانىن اتاپ وتكەن ءجون. ءبىر عانا مامىر ايىندا 42 فاكت تىركەلگەن.

اۆتور
ورالحان قوجانوۆ