استانادا ماسكەۋ مەملەكەتتىك حالىقارالىق قاتىناستار ۋنيۆەرسيتەتىنىڭ فيلالى اشىلادى
استانا. KAZINFORM - استانادا ماسكەۋ مەملەكەتتىك حالىقارالىق قاتىناستار ۋنيۆەرسيتەتىنىڭ فيلالى اشىلادى. بۇل تۋرالى اقوردادا رەسەي پرەزيدەنتى ۆلاديمير پۋتينمەن كەلىسسوزدەردىڭ قورىتىندىسىنا وراي وتكەن بريفينگتە مەملەكەت باسشىسى قاسىم-جومارت توقايەۆ ايتتى.
«ءبىلىم بەرۋ سالاسىنداعى ىنتىماقتاستىق ۇنەمى ارتىپ كەلەدى. رەسەيلىك جوعارى وقۋ ورىندارىندا 60 مىڭنان استام قازاقستاندىق ستۋدەنت وقيدى. بۇل رەسەيلىك ءبىلىم بەرۋ ستاندارتىنا سۇرانىس پەن ەكى ەلدىڭ ءبىلىم مەن تاجىريبەنى جان-جاقتى الماسۋعا مۇددەلى ەكەندىگىن بىلدىرەدى»، - دەدى پرەزيدەنت.
مەملەكەت باسشىسى بۇعان دەيىن قول جەتكىزىلگەن ۋاعدالاستىقتىڭ ناتيجەسىندە قازاقستاندا رەسەيلىك جەتەكشى تەحنيكالىق ءبىلىم بەرۋ مەكەمەلەرىنىڭ 7 فيلالى اشىلعانىن اتاپ ءوتتى.
«تاياۋ ۋاقىتتا استانادا ماسكەۋ مەملەكەتتىك حالىقارالىق قاتىناستار ۋنيۆەرسيتەتىنىڭ فيلالى ەسىگىن اشادى. بۇگىن ومبى قالاسىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ فيليالى اشىلدى. ول رەسەيدەگى قازاقستان جوعارى وقۋ ورىندارىنىڭ ءبىرىنشى وكىلدىگىنە ۆينالادى. سونىمەن قاتار رەسەيدىڭ شەكاراماڭى وكىرلەرىندە قازاقستان مەكتەپتەرىن، قازاقستان اۋماعىندا رەسەيدىڭ قاتىسۋمەن مەكتەپ سالۋ كەلەشەگى تالقىلانىپ جاتىر. ءسوز جامبىل، قىزىلوردا جانە تۇركىستان وبلىستارى جايىندا بولىپ وتىر. مۇنىڭ ءبارى ءبىلىم بەرۋ بايلانىستارىن نىعايتۋعا مۇمكىندىك بەرىپ، ەكى ەلدىڭ وسكەلەڭ ۇرپاعىنا جاڭا مۇمكىندىكتەر ۇسىنادى»، - دەدى قاسىم-جومارت توقايەۆ.
