17:59, 03 - شىلدە 2024 | GMT +6
استانادا كەلىسسوز وتكىزگەن ەردوعان پۋتيندى تۇركياعا شاقىردى
استانا. KAZINFORM - تۇركيا پرەزيدەنتى رەجەپ تايىپ ەردوعان استانادا رەسەي پرەزيدەنتى ۆلاديمير پۋتينمەن كەلىسسوز جۇرگىزدى. بۇل جايىندا انادولى اگەنتتىگىنەن حابارلاندى.
شاڭحاي ىنتىماقتاستىعى ۇيىمىنىڭ 24-سامميتىنە قاتىسۋعا استاناعا كەلگەن قوس ەلدىڭ پرەزيدەنتتەرى تۇركيانىڭ سينوپ قالاسىندا تاعى ءبىر اتوم ەلەكتر ستانساسى جوباسىن ىسكە اسىرۋ مۇمكىندىگىن تالقىلادى. ەردوعاننىڭ ايتۋىنشا، تۇركيا مەن رەسەي اراسىنداعى ساۋدا اينالىمى كولەمىن 100 ميلليارد دوللارعا جەتكىزۋ كوزدەلگەن.
«مەن بۇل مەجەگە جاقىن ارادا جەتەتىنىمىزگە سەنەمىن. بىزدە وعان قاجەت تولىق الەۋەت بار»، - دەپ اتاپ ءوتتى رەجەپ تايىپ ەردوعان.
ءسوز سوڭىندا تۇرىك كوشباسشىسى ۆلاديمير پۋتيندى تۇركياعا ساپارلاپ كەلۋگە شاقىردى.
