استانادا جىلىتۋ ماۋسىمى اياقتالدى
استانا. KAZINFORM - ەلوردادا 7 ايعا سوزىلعان جىلۋ بەرۋ ماۋسىمى اياقتالدى.
استانا قالاسىندا جىلىتۋ ماۋسىمىنا دايىندىق جانە ونى وتكىزۋ قاعيداسىنا سايكەس، بەس كۇن بويى قاتارىنان اۋا تەمپەراتۋراسى 10+ گرادۋس جوعارى بولسا، استانا قالاسىنىڭ جەرگىلىكتى اتقارۋشى ورگانىنىڭ جىلىتۋ ماۋسىمىن اياقتاۋ تۋرالى شەشىمى قابىلدانادى.
استانادا بيىلعى جىلىتۋ ماۋسىمى قىركۇيەك ايىنىڭ سوڭىندا باستالدى جانە 21-ساۋىرگە دەيىن دەيىن جالعاستى.
سونىمەن بىرگە، ەنەرگەتيكا مينيسترلىگى بيىلعى جىلىتۋ ماۋسىمى كۇردەلى اقاۋسىز وتكەنىن ايتقان ەدى.
كەلەسى جىلىتۋ كەزەڭىنە دايىندىق اياسىندا بەكىتىلگەن كەستەگە سايكەس 10 ەنەرگيا بلوگى، 63 قازان جانە 39 تۋربيناعا كۇردەلى جوندەۋ جۇرگىزۋ جوسپارلانعان. بۇگىنگى تاڭدا 3 ەنەرگيا بلوگىندا، 12 قازاندا جانە 4 تۋربينادا جوندەۋ جۇمىستارى باستالدى.
اۆتور
ايجان سەرىكجان قىزى
