استانادا جاستارعا ارنالعان «Jastar Energy» Open Air كونسەرتى وتەدى

استانا. KAZINFORM - استاناداعى «قازاق ەلى» مونۋمەنتى الاڭىندا 6- شىلدە كۇنى «Jastar Energy» اتتى اشىق اسپان استىنداعى جاستار كونتسەرتى وتەدى، دەپ جازدى ەلوردا اكىمدىگىنىڭ رەسمي سايتى.

ءىس-شارا استانا قالاسى كۇنىنە ارنالعان مەرەكەلىك باعدارلاما اياسىندا ۇيىمداستىرىلادى.

كونسەرتتىڭ ماقساتى - جاستار شىعارماشىلىعىن قولداۋ، مادەني بەلسەندىلىكتى ارتتىرۋ جانە زاماناۋي ونەردى ناسيحاتتاۋ. مەرەكەلىك كونسەرتتە تانىمال ورىنداۋشىلار مەن جاس ارتىستەردىڭ قاتىسۋىمەن مۋزىكالىق قويىلىمدار ۇسىنىلادى.

كەش بارىسىندا مادەني ينتەراكتيۆتەر مەن كورەرمەنمەن تىكەلەي بايلانىس ۇيىمداستىرىلادى. كونسەرتكە قازاقستاندىق جارىق جۇلدىزدار قاتىسادى: ميراس جۇگۇنىسوۆ، ارتۋر داۆلەتياروۆ (Artur)، ەرلان قانات ۇلى، Madistation, Jazzdauren، سەيفۋللين جولبارىس، زارينا وماروۆا، ايگۇل يمانبايەۆا، عادىلبەك جاناي، DOS، دوسىمجان تاڭاتاروۆ، نۇرلان مەن مۇرات، زارينا بوجاكوۆا، ەۆگەني ابۋ- زەيد.

ءىس- شارا 19:00 دە باستالادى. كىرۋ تەگىن.

ايتا كەتەيىك، قازاقستاندا 6 -شىلدەدە استانا كۇنى اتالىپ وتەدى. بۇل مەرەكەگە وراي ەلوردادا ءداستۇرلى تۇردە جۇزدەن استام ءتۇرلى باعىتتاعى ءىس-شارا ۇيىمداستىرىلادى.