استانادا جاپپاي جارىق ءسونىپ قالعاندا 72 جاستاعى كەيۋانا ورتتەن كوز جۇمدى

كەشەگى ەلەكتر جۇيەسىندەگى اقاۋ كەزىندە استاناداعى تۇرعىن ۇيلەردىڭ بىرىندە پاتەردەن ءورت شىعىپ، ءبىر ادام قايتىس بولدى.

ماماندار ءورتتىڭ سەبەبىن انىقتاپ جاتىر، دەپ حابارلايدى Kazinform اگەنتتىگى.

«29- قازاننان 30 نا قاراعان ءتۇنى ساعات 00:22 دە «101» پۋلتىنە ماناس كوشەسى، 3/1 مەكەنجايىندا ءورت شىققانى تۋرالى حابار ءتۇستى. اقپارات تۇسكەننەن كەيىن ءبىر مينۋت ىشىندە استانا قالاسى ت ج د بولىمشەسىنىڭ ءورت سوندىرۋشىلەرى وقيعا ورنىنا اتتاندى. ولار 5 مينۋتتىڭ ىشىندە جەتكەن كەزدە بەس قاباتتى تۇرعىن ءۇيدىڭ ءبىرىنشى قاباتىندا ورنالاسقان پاتەردىڭ 18 شارشى مەترىندە جيھاز بەن ءۇي زاتتارى ورتەنىپ جاتتى. استانالىق ءورت سوندىرۋشىلەر ساعات 00.44 تە ءورتتى ءسوندىردى. ۇستىڭگى قاباتتاردان 51 ادام قاۋىپسىز جەرگە كوشىرىلدى. ونىڭ ىشىندە 14 بالا بار» دەپ جازادى قالالىق توتەنشە جاعدايلار دەپارتامەنتىنىڭ باسپا ءسوز قىزمەتى.

ورتەنگەن پاتەردەن 72 جاستاعى ايەلدىڭ دەنەسى تابىلعان.

«ءورت ورنىنان 1951-جىلى تۋعان ايەلدىڭ ءولى دەنەسى تابىلدى. ءورت سوندىرۋگە دەپارتامەنتتىڭ جەكە قۇرامىنان 16 ادام مەن 4 تەحنيكا قاتىستى. ءورت سەبەبى انىقتالىپ جاتىر» دەلىنگەن دەپارتامەنت دەرەگىندە.

ايتا كەتەيىك، كەشە تۇندە استانانىڭ بىرنەشە اۋدانىندا جارىق ءسونىپ، سالدارىنان كوممۋنالدىق قىزمەتتە اقاۋ پايدا بولعان ەدى.