استانادا جاڭا جىلعا ارنالعان وتشاشۋ قايدا وتەدى

استانا. KAZINFORM - استانادا 31-جەلتوقساندا ساعات 00.00 دە دەمەۋشىلىك قاراجات ەسەبىنەن ۇيىمداستىرىلاتىن مەرەكەلىك جاڭا جىلدىق وتشاشۋ ىسكە قوسىلادى، دەپ حابارلايدى ەلوردا اكىمدىگىنىڭ رەسمي سايتى.

وتشاشۋلار ەكى جەردە وتەدى: بوتانيكالىق باق جانە «اتىراۋ» كوپىرىنە ىرگەلەس اۋماق. ءار جەردە شامامەن 2,5 مىڭ مارتە اتىلادى.

سول سياقتى جاڭا جىل قارساڭىندا 31-جەلتوقساننان 1-قاڭتارعا دەيىن قالانىڭ ءۇش جەرىندە مەرەكەلىك ءىس-شارالار وتەدى.

31-جەلتوقساندا ساعات 21:00 دەن 02:00 گە دەيىن ەلوردانىڭ قالالىق الاڭىندا، «قازاق ەلى» مونۋمەنتى اۋماعىندا جانە ەكسپو الاڭىندا ەسترادا جۇلدىزدارى مەن شىعارماشىلىق ۇجىمداردىڭ قاتىسۋىمەن قالا تۇرعىندارى مەن قوناقتارى ءۇشىن جاڭا جىلدىق مەرەكەلىك كونسەرتتەر وتەدى.

جاڭا جىلعا ارنالعان مەرەكەلىك باعدارلاما سونىمەن قاتار تاۋەلسىزدىك داڭعىلى، ورتالىق ساياباق، اتاتۇرىك ساياباعى، پرومىشلەننىي ەلدى مەكەنى جانە «كوكتال» ساياباعىنداعى وقۋشىلار سارايىنىڭ اۋماعىندا وتەدى.

بۇعان دەيىن «ازاماتتارعا ارنالعان ۇكىمەت» مەملەكەتتىك كورپوراتسياسى 1-جانە 3-قاڭتار ارالىعىندا جاڭا جىل مەرەكەسىنە وراي ح ق ك و مەن م ح ق ك و جۇمىس ىستەمەيتىنىن حابارلادى.