استانادا شاباندوز قىزدار سىنعا ءتۇستى

шабандоз
Фото: Астана қаласы әкімдігінің баспасөз қызметі

 استانا. KAZINFORM - استانادا 8-ناۋرىز مەرەكەسىنە وراي كونكۋردان قىزدار اراسىندا اشىق بىرىنشىلىك ءوتىپ جاتىر. بۇل تۋرالى ەلوردا اكىمدىگىنىڭ رەسمي سايتى مالىمدەدى.

ەلوردا ماڭىنداعى «ارعىماق» ات- ساۋىقتىرۋ سپورت كەشەنىندە استانا، قاراعاندى، الماتى قالارىمەن قاتار الماتى وبلىسىنان كەلگەن 70 كە جۋىق شاباندوز ارۋ ءوزارا سايىسقا ءتۇستى.

جارىستىڭ اشىلۋ سالتاناتىندا ءسوز العان استانا قالاسىنىڭ ۇلتتىق جانە وليمپيادالىق ات سپورتى تۇرلەرى فەدەراتسياسىنىڭ پرەزيدەنتى ەرلان كاناليموۆ قالادا بۇل سپورت ءتۇرى قارقىندى دامىپ كەلە جاتقانىن اتاپ ءوتتى.

«سىزدەردى الدىمەن بۇگىنگى كەلىپ جەتكەن كوكتەمنىڭ شۋاقتى مەرەكەسى - 8 ناۋرىز حالىقارالىق ايەلدەر كۇنىمەن قۇتتىقتاۋعا رۇقسات ەتىڭىزدەر. كونكۋر قازاققا جات ەمەس. بۇل دا - ارعىماقتاردىڭ سايىسى. ايتۋلى سپورت ءتۇرى ەلىمىزدە، سونىڭ ىشىندە ەلوردادا قارقىندى قانات جايىپ كەلە جاتىر. ويتكەنى بۇل دودا استانادا وسىمەن ەكىنشى مارتە ۇيىمداستىرىلىپ وتىر. جالپى مەرەكە سايىن ءجيى ءوتىپ تۇرادى. بۇگىنگى سايىستا تەك ەڭ جۇيرىگى، ەڭ مىقتىسى، ەڭ لايىقتىسى جەڭىسكە جەتسىن دەگىم كەلەدى. بارشاڭىزعا مىڭ راقمەت. كوكتەم مەرەكسى قۇتتى بولسىن!» - دەدى ول.

ەلىمىزدىڭ تۇكپىر-تۇكپىرىنەن كەلگەن بۇرىمدىلار سايىستىڭ 6 باعدارى بويىنشا سىنعا ءتۇستى.

«مەن بۇگىن قىزدار اراسىنداعى جارىستا «جاستار ساناتى» بويىنشا كەدەرگىلەردىڭ بيىكتىگى 100 س م سەكىرىپ شىقتىم. الدىڭعى قاتاردان كورىنىپ، ءبىرىنشى ورىن الدىم. وتە قۋانىشتىمىن. ءوزىم استانا قالاسىنىڭ سپورتشىسىمىن»، - دەدى جاستار ساناتىنىڭ جەڭىمپازى ماليكا سەرىك.

ايتا كەتەيىك، استانا قالاسى اكىمدىگىنىڭ قولداۋىمەن جانە استانا قالاسىنىڭ ۇلتتىق جانە وليمپيادالىق ات سپورتى تۇرلەرى فەدەراتسياسىنىڭ ۇيىمداستىرۋىمەن ءوتىپ جاتقان اشىق بىرىنشىلىكتىڭ جالپى جۇلدە قورى 6 ميلليون تەڭگەنى قۇرايدى.

سوڭعى جاڭالىقتار