استانادا دوموفوندى كىرپىشپەن سىندىرىپ، بوتەننىڭ كولىگىن بۇلدىرگەن ۆاندالدار جازالاندى

استانا. KAZINFORM - ەلوردادا قوعامدىق ءتارتىپتى بۇزۋشىلارمەن جانە ۆانداليزمنىڭ كەز كەلگەن جاعدايىمەن كۇرەس ءجۇرىپ جاتىر. پوليتسەيلەر كەزەكتى ۆاندالداردى انىقتاپ، جاۋاپقا تارتتى، دەپ حابارلايدى استانا اكىمدىگىنىڭ رەسمي سايتى.

30-قىركۇيەك كۇنى تاڭەرتەڭ 35 جاستاعى استانالىق ءۇيىنىڭ جانىنداعى شلاگباۋمدى ادەيى سىندىرعان.

وسىعان ۇقساس جاعداي كەلەسى كۇنى، تۇنگى ۋاقىتتا دا بولدى. 48 جاستاعى ەر ادام ماس كۇيىندە اۋلاداعى كولىكتىڭ قاناتىن، بامپەرىن بۇلدىرگەن. وسىلايشا ول باسقا بىرەۋدىڭ مۇلكىنە ايتارلىقتاي زيان كەلتىردى.

سونىمەن قاتار، 26 جاستاعى استانالىق تۇرعىن ماس كۇيىندە كىرەبەرىستەگى دوموفوندى كىرپىشپەن ۇرىپ سىندىرعان. ۇشەۋى دە تابىلىپ، جاۋاپقا تارتىلدى.

ايتا كەتەيىك، جىل باسىنان بەرى استانادا ەرىكتىلەر، بەلسەندىلەر، تانىمال سپورتشىلار، قالا تۇرعىندارى قولداعان «توقتا، ۆاندال» اكسياسى اياسىندا پروفيلاكتيكالىق جۇمىس جۇرگىزىلۋدە. اكتسيانىڭ ماقساتى - ۆانداليزمنىڭ كەز كەلگەن جاعدايىن بولدىرماۋ جانە ەلوردادا تازالىق پەن ءتارتىپتى ساقتاۋ.

جىل باسىنان بەرى سوت 250-دەن استام ادامدى بوتەننىڭ مۇلكىن قاساقانا بۇلدىرگەنى، جالپى اۋماقتاردى لاستاعانى، عيماراتتار مەن تۇرعىن ءۇي-جايلاردى بۇلدىرگەنى ءۇشىن جازالادى. ولاردىڭ بارلىعى جاۋاپقا تارتىلدى.

ۆانداليزمنىڭ الدىن الۋ قالالىق پروكۋراتۋرا مەن پوليتسيا دەپارتامەنتىنىڭ ۇيلەستىرۋىمەن جۇرگىزىلەدى.