استانادا دەمالىس كۇندەرى كەزەكتى اۋىل شارۋاشىلىعى جارمەڭكەسى وتەدى

الماتى. KAZINFORM - ەلوردادا 28-جانە 29-ماۋسىم كۇندەرى كەزەكتى قالالىق اۋىل شارۋاشىلىعى جارمەڭكەسى وتەدى، دەپ حابارلايدى ەلوردا اكىمدىگىنىڭ رەسمي سايتى.

جارمەڭكەدە قازاقستاننىڭ ءتۇرلى وڭىرلەرىنەن كەلگەن جەرگىلىكتى فەرمەرلەر مەن وندىرۋشىلەردىڭ ءونىمى ۇسىنىلادى. قالا تۇرعىندارى مەن قوناقتارى كوكونىس پەن جەمىس-جيدەك، ەت، ۇن جانە ءسۇت ونىمدەرى، نان-توقاش، تابيعي شىرىندار، توساپتار مەن دجەمدەر جانە باسقا دا ونىمدەردى ءتيىمدى باعامەن ساتىپ الا الادى.

ءىس-شارا 28-جانە 29-ماۋسىم كۇندەرى ساعات 10:00 دەن 19:00 گە دەيىن نۇرعيسا تىلەنديەۆ داڭعىلى، 12ا مەكەنجايىنداعى «Koktal» ساۋدا-ويىن-ساۋىق ورتالىعىندا وتەدى.

ايتا كەتۋ كەرەك، ەلوردادا اۋىل شارۋاشىلىعى جارمەڭكەسى بەيبارىس سۇلتان كوشەسى، 23 («ريو- دە-جانەيرو» تۇرعىن ءۇي كەشەنىنىڭ قارسى بەتىندە) مەكەنجايىندا تۇراقتى تۇردە جۇمىس ىستەپ تۇر. جارمەڭكەدەگىلەر كۇن سايىن ساعات 10:00 دەن 19:00 گە دەيىن تۇرعىندار مەن قالا قوناقتارىن قارسى الۋعا دايىن.

كەلۋشىلەردىڭ ىڭعايلىعى ءۇشىن جارمەڭكە ماڭىنان 2، 32، 49، 50، 73-باعىتىنداعى اۆتوبۋستار جۇرەدى. بۇل شارا وتەتىن ورىنعا جىلدام جەتۋگە مۇمكىندىك بەرەدى.

بۇعان دەيىن ەلوردادا بوچچادان حالىقارالىق تۋرنير وتەتىنىن حابارلاعان ەدىك.