استانادا ءبىرىنشى اۋىسىمداعى 0-9-سىنىپ وقۋشىلارى ونلاين وقيدى

بۇگىن ەلوردادا ءبىرىنشى اۋىسىمداعى 0-9-سىنىپ وقۋشىلارى قاشىقتان وقيدى. بۇل تۋرالى قالالىق ءبىلىم باسقارماسى ءمالىم ەتتى، دەپ حابارلايدى Kazinform.

«2024 -جىلعى 15-قاڭتار كۇنى اۋا رايىنىڭ قولايسىزدىعىنا بايلانىستى ءبىرىنشى اۋىسىمنىڭ 0-9-سىنىپ وقۋشىلارى قاشىقتان وقىتۋ فورماتىنا اۋىستىرىلادى»، - دەلىنگەن حابارلامادا.

بۇعان دەيىن اۋا رايىنا بايلانىستى 7 وبلىستا رەسپۋبليكالىق ماڭىزى بار اۆتوجولداردىڭ 25 ۋچاسكەسىندە كولىك قوزعالىسىنا شەكتەۋ ەنگىزىلگەنىن جازعان بولاتىنبىز.