استانادا بالالاردى قورعاۋ كۇنى مەرەكەسى قالاي تويلانادى

استانا. قازاقپارات – 1-ماۋسىم كۇنى الەمدە حالىقارالىق بالالاردى قورعاۋ كۇنى اتاپ وتىلەدى. جازدىڭ العاشقى مەرەكەسىنە وراي استانانىڭ بەس اۋدانىندا ونداعان ءتۇرلى ءىس-شارالار، ونىڭ ىشىندە كونسەرتتەر، اكسيالار، كورمەلەر، جارىستار، شىعارماشىلىق فەستيۆالدار جانە ت. ب. وتەدى، دەپ حابارلايدى ەلوردا اكىمدىگىنىڭ رەسمي سايتى.

30-مامىر كۇنى ساعات 18:00-دە امفيتەاتردا «جاسىل ەل» ماۋسىمىنىڭ اشىلۋ سالتاناتى وتەدى.

31-مامىر كۇنى تاڭعى ساعات 10-دا «بيلاين ارەنا» تەننيس ورتالىعىندا «باقىتتى شاڭىراق» قوعامدىق قورى بالالارعا ارنالعان مەرەكەلىك ءىس-شارا ۇيىمداستىرادى.

ءدال وسى ۋاقىتتا تەمىرجولشىلار تۇرعىن الابىنىڭ ساياباعىندا تۇرعىنداردى «يۋنيموتو» موتوكروسى بويىنشا كورسەتىلىمگە شاقىرادى.

30-مامىر كۇنى ساعات 10.00-دە دوستىق ۇيىندە «بالالاردى قورعاۋ - ەل بولاشاعىن قورعاۋ» اتتى دوڭگەلەك ۇستەل وتەدى.

ساعات 18:00-دەن باستاپ ەسترادا ارتىستەرىنىڭ قاتىسۋىمەن ەسىل وزەنىندە تەاتر فورماتىندا كونسەرتتىك باعدارلاما ۇيىمداستىرىلادى.

سونىمەن قاتار، عاشىقتار ساياباعىندا ويىن-ساۋىق باعدارلاماسىمەن ەۋروپا ەلدەرىنىڭ ونىمدەرىنىڭ جارمەڭكەسى ۇيىمداستىرىلادى.

م. وتەمىسوۆ اتىنداعى وقۋشىلار سارايىنىڭ الاڭىندا «بالالىق شاق ەنەرگياسى» فەستيۆالى وتەدى.

جازۋشىلار اللەياسىندا ساعات 12:00-دە «سالاۋاتتى ءومىر سالتى - سالاۋاتتى وتباسى» بي فلەشموبىنا جانە «بالعىن بالالارىمىز - ءبىزدىڭ بولاشاعىمىز» بالالىق شاق مەرەكەسى ءىس-شاراسى ۇيىمداستىرىلادى.

ساعات 12:00-14:00 ارالىعىندا «جەرۇيىق» ساياباعىندا «سالەم، جاز!» جانە «ەلدىڭ باقىتى - بالالىق شاعى» مەرەكەلىك كونسەرت وتەدى.

ترياتلون ساياباعىندا وسى ۋاقىتتا «Ailand Family Run» وتباسىلىق جارىسى وتەدى.

ءبىر كۇن بويى Ailand وتباسىلىق دەمالىس ورتالىعىنىڭ جانىنداعى اتتراكتسيوندار ساياباعىندا بالالارعا ارنالعان انيماتسيالىق باعدارلامامەن جازعى فەستيۆال وتەدى.

كوكتال تۇرعىن الابىنىڭ قورعالجىن الاڭىندا تاڭعى ساعات 10.00-دەن باستاپ قوناقتارعا ارنالعان «Koktal Junior» كونسەرتتىك باعدارلاماسى ۇيىمداستىرىلادى.

قۋىرشاق تەاترى مەرەكەگە وراي م. ارگيمبايەۆتىڭ «ەلۆين جانە سيقىرلى ورمان تۇرعىندارى» ەرتەگىسىن ازىرلەپ وتىر. كورسەتىلىم ۋاقاتى: ساعات 12:00 جانە 16:00.

31 -مامىر كۇنى «Mega Silk Way» س و و- دا «نيكۋليننىڭ ماسكەۋ تسيركى» ونەر كورسەتەدى. قويىلىمدار 1-25 ماۋسىم ارالىعىندا وتەدى.

31 -مامىردا ساعات 11.00-دەن باستاپ كوكتال ساياباعىندا ەرەكشە ءبىلىم بەرۋ قاجەتتىلىكتەرى بار بالالار ءۇشىن كوڭىلدى ستارتتار وتەدى.

«جەرۇيىق» ساياباعىندا وسى كۇنى ساعات 15:00-دە ارقان تارتۋ، گىر كوتەرۋ، اسىق اتۋ جانە ت. ب. بويىنشا ۇلتتىق سپورتتىق ويىندار ۇيىمداستىرىلادى.

ترياتلون ساياباعىندا ساعات 15:00-دە «اكەم، انام جانە مەن - تاتۋ وتباسى» اتتى ءداستۇرلى كوڭىلدى ستارتتار وتەدى.

استانالىقتار «باقىتتى بالالار - بەيبىت ەلدىڭ تىرەگى» كونسەرتىن كيرپيچنىي، قازقالاشىق، ءوندىرىس تۇرعىن الاپتارىندا جانە اتاتۇرىك ساياباعىندا ساعات 11:00-دە تاماشالاي الادى.

اتاتۇرىك ساياباعىندا قوناقتارعا ارنالعا اسفالتقا سۋرەت سالۋ، بالالارعا ارنالعان كوڭىلدى ستارتتار، انيماتورلاردىڭ قويىلىمدارى جانە ءتاتتى سىيلىقتار تاراتۋ ءىس-شارالارى وتەدى.

«جەتىسۋ» جانە «استانالىق» ساياباقتارىندا ساعات 15:00-دە ەرەكشە بالالار اراسىندا كوڭىلدى ستارتتار ۇيىمداستىرىلادى.

1 جانە 2-ماۋسىمدا جەتىسۋ ساياباعىندا تاڭعى 10-نان باستاپ «بوپە fair» وتباسىلىق فەستيۆالى جۇمىس ىستەيدى. 2-10-ماۋسىم ارالىعىندا Ailand و س و اتتراكسيوندار ساياباعىندا كاراوكە، بي باتتل، ويىندار مەن بايقاۋلارى بار بالالارعا ارنالعان كۇندەلىكتى شوۋ- باعدارلاما ۇيىمداستىرىلادى.

ساعات 6:30-دا ترياتلون پاركىندە 1-ماۋسىمدا «Charity Samruk Marathon-2024» قايىرىمدىلىق جارىسى باستالادى.

1 جانە 2 -ماۋسىمدا قالا الاڭىندا 14:00-دەن 20:00-گە دەيىن «Creative Summer» فەستيۆالى وتەدى.

1-ماۋسىم كۇنى ساعات 15.00-دە ارباتتا «قارا، وقى» كاراوكە ءىس- شاراسى وتەدى، بۇلدىرشىندەر ساحنادا تانىمال اندەردى شىرقاي الادى.

1-ماۋسىمدا ەلوردالىق امفيتەاتردا كۇنى بويى بالالار شىعارماشىلىق جانە سپورت فەستيۆالى وتەدى.

1-ماۋسىم كۇنى ساعات 11.00-دە پريگورودنىي تۇرعىن الابىندا بالالارعا ارنالعان مەرەكەلىك كونسەرت وتەدى.

ۇركەر تۇرعىن الابىنداعى «ايعىرجال» الاڭىندا ساعات 14:00-دە بالالارعا ارنالعان شوۋ- باعدارلامامەن جانە انيماتورلارمەن كونسەرت باستالادى.

ەلوردانىڭ بارلىق بەس اۋدانىندا اشىق الاڭداردا مەرەكەلىك كونسەرتتەر وتەدى.

«جاستار» تەاترى 11:00 جانە 12:30-دا جاس كورەرمەندەردى ل. تولستويدىڭ «بۋراتينو» ەرتەگىسىنە شاقىرادى.

اۆتور

اسحات رايقۇل