استانادا اۋىر اتلەتيكادان جاستار اراسىندا ازيا چەمپيوناتى وتەدى
استانا. KAZINFORM - قۇرلىقتىق دودا استانادا 4-10-شىلدە ارالىعىندا جاستار مەن جاس وسپىرىمدەر اراسىندا بولادى.
قۇرلىقتىق دوداعا 27 مەملەكەتتەن 450 دەن استام اۋىر اتلەت قاتىسادى جوسپارلانىپ وتىر.
ال قازاقستان قۇراماسى جارىستى ۇيىمداستىرۋشى ەل رەتىندە تولىق قۇراممەن جۇلدە ءۇشىن باق سىنايدى. ەل قۇراماسى ساپىندا 30 اۋىر اتلەت بار.
ەل قۇراماسىنىڭ اعا جاتتىقتىرۋشىسى البەرت حاكيمۋليننىڭ ايتۋىنشا، ازيا چەمپيوناتىنا دايىندىق جۇمىستارى جوعارى دەڭگەيدە جۇرگىزىلۋدە. سونداي-اق، وقۋ-جاتتىعۋ جيىندارى الماتى وبلىسىندا ءوتتى. جالپى ناۋرىز ايىنان بەرى 6 دايىندىق جۇمىسى جۇرگىزىلدى. سپورتشىلار كۇن سايىن ۇلكەن ىنتامەن جاتتىعىپ، بار كۇش-جىگەرىن سالىپ دايىندالىپ جاتىر. اۋىر اتلەتتەر جارىسقا تولىقتاي دايىن دەۋگە تولىق نەگىز بار.
قۇراما ساپى 50 پايىزعا وزگەرگەن. ازيا چەمپيوناتى ولار ءۇشىن العاشقى حالىقارالىق جارىس بولماق.
ايتا كەتسەك، جارىس Qazaqstan جەڭىل اتلەتيكالىق سپورت كەشەنىندە وتەدى.
