استانادا التى جاسار بالانى جۇك كولىگى قاعىپ، مەرت قىلدى
استانا. KAZINFORM - استانادا ءال-فارابي كوشەسىندە ورنالاسقان تۇرعىن ءۇيدىڭ اۋلاسىندا 6 جاستاعى بالانى جۇك كولىگى قاعىپ كەتتى.
كامەلەتكە تولماعان بالانىڭ ولىمىنە اكەلگەن جول-كولىك وقيعاسى بويىنشا قىلمىستىق ءىس قوزعالدى.
- الدىن الا مالىمەتتەر بويىنشا، 38 جاستاعى Dongfeng ماركىلى كولىك جۇرگىزۋشىسى ءال-فارابي كوشەسىندەگى تۇرعىن ءۇيدىڭ اۋلاسىندا قاۋىپسىز ەكەنىنە كوز جەتكىزبەستەن مانۆەر جاساپ، 6 جاستاعى ۆەلوسيپەد مىنگەن بالانى قاعىپ كەتكەن، - دەپ حابارلادى استانا قالالىق پوليسيا دەپارتامەنتىنەن.
وقيعا سالدارىنان بالا اۋرۋحاناعا جەتكىزىلىپ، وندا ول العان جاراقاتتارىنان قايتىس بولدى.
وسىعان دەيىن ەلوردادا بەيسەكبايەۆ كوشەسىمەن كەلە جاتقان جۇك كولىگىنىڭ جۇرگىزۋشىسى كەنەسارى كوشەسىنىڭ قيىلىسىندا بۇرىلۋ كەزىندە، باعدارشامدا بەلگىلەنگەن جولاقتان جولدى كەسىپ ءوتىپ بارا جاتقان كامەلەتكە تولماعان جاياۋ جۇرگىنشىنى قاعىپ كەتكەنى تۋرالى جازدىق.
جاياۋ جۇرگىنشى باعدارشامنىڭ رۇقسات ەتىلگەن بەلگىسى جانعان كەزدە ءوتىپ بارا جاتقان. العان جاراقاتىنىڭ سالدارىنان و وقيعا ورنىندا كوز جۇمدى.
