استانادا 6 - شىلدە كۇنى وتشاشۋ بولادى
استانا. KAZINFORM - استانادا 6 -شىلدەدە - ەلوردا كۇنىنە وراي مەرەكەلىك ساليۋت اتىلادى. فەيەرۆەرك دەمەۋشىلىك قاراجات ەسەبىنەن ۇيىمداستىرىلادى، دەپ جازدى قالا اكىمدىگىنىڭ رەسمي سايتى.
ساليۋتتىڭ باستالۋ ۋاقىتى شامامەن ساعات 23:00. ول وتاندىق ەسترادا جۇلدىزدارىنىڭ قاتىسۋىمەن وتەتىن مەرەكەلىك OPEN AIR كونسەرتىنەن كەيىن بوتانيكالىق باق اۋماعىنان اتىلادى.
ەسكە سالايىق، 6 -شىلدەدە قازاقستاندا ەلوردا كۇنى مەرەكەسى اتاپ وتىلەدى. بۇل مەرەكەگە وراي استانادا جىل سايىن جۇزدەن استام ءارتۇرلى باعىتتاعى ءىس-شارا وتەدى.
بيىل دا قالا تۇرعىندارى مەن قوناقتارىنا ارناپ ەرەكشە وقيعالار، كونتسەرتتەر، شوۋلار، قويىلىمدار، اكسيالار، كورمەلەر، سپورتتىق تۋرنيرلەر جانە تاعى باسقا شارالار ۇيىمداستىرىلادى.
ايتا كەتەيىك، قازاقستاندا 6 -شىلدەدە استانا كۇنى اتاپ وتىلەدى. بۇل مەرەكەگە وراي ەلوردادا ءداستۇرلى تۇردە جۇزدەن استام ءتۇرلى باعىتتاعى ءىس-شارا ۇيىمداستىرىلادى.
