استانادا 24-25-مامىر كۇندەرى اۋىل شارۋاشىلىعى جارمەڭكەسى وتەدى

استانا. KAZINFORM - ەلوردادا 24-25-مامىر كۇندەرى قالالىق اۋىل شارۋاشىلىعى جارمەڭكەسى وتەدى. بۇل تۋرالى استانا قالاسى اكىمدىگى حابارلادى.

جارمەڭكەدە ەلدىڭ ءتۇرلى وڭىرلەرىنەن كەلگەن جەرگىلىكتى فەرمەرلەر مەن وندىرۋشىلەردىڭ ونىمدەرى ۇسىنىلادى. قالا تۇرعىندارى مەن قوناقتارى كوكونىستەر مەن جەمىستەردى، ەت، ۇن جانە ءسۇت ونىمدەرىن، نان- توقاش، تابيعي شىرىندار، توساپتار مەن باسقا دا كوپتەگەن ونىمدەردى ءتيىمدى باعامەن ساتىپ الا الادى.

ءىس-شارا 24 جانە 25-مامىر كۇندەرى ساعات 09:00 دەن 19:00 گە دەيىن نۇرعيسا تىلەنديەۆ داڭعىلى، 12А مەكەنجايىنداعى «Koktal» ساۋدا-ويىن-ساۋىق ورتالىعىندا وتەدى.

ايتا كەتۋ كەرەك، ەلوردادا اۋىل شارۋاشىلىعى جارمەڭكەسى بەيبارىس سۇلتان كوشەسى، 23-مەكەنجايىندا (ريو-دە-جانەيرو تۇرعىن ءۇي كەشەنىنىڭ قارسىسىندا) تۇراقتى تۇردە جۇمىس ىستەپ تۇر. ول كۇن سايىن ساعات 09:00 دەن 19:00 گە دەيىن اشىق.

جۇرتتىڭ ىڭعايلىلىعى ءۇشىن جارمەڭكە ماڭىندا 2، 32، 49، 50، 73- اۆتوبۋس باعىتتارى جۇرەدى، بۇل ءىس-شارا وتەتىن ورىنعا تەز جەتۋ ءۇشىن ۇيىمداستىرىلدى.

ەسكە سالا كەتەيىك، وتكەن دەمالىس كۇندەرى دە استانادا قالالىق اۋىلشارۋاشىلىق جارمەڭكەسى وتەدى.