12:06, 07 - ماۋسىم 2025 | GMT +5
استانادا 11 جاسار بالا سۋعا كەتىپ قالا جازدادى
استانا. KAZINFORM - سارىارقا اۋدانىنداعى كوممۋنالدىق جاعاجايدا، ش. بەيسەكوۆا كوشەسىندەگى كوپىر ماڭىندا جۇرگىزىلگەن جوسپارلى پاترۋلدەۋ بارىسىندا توتەنشە جاعدايلار مينيسترلىگى جەدەل-قۇتقارۋ جاساعىنىڭ قىزمەتكەرلەرى 11 جاستاعى بالانى قۇتقارىپ قالدى.
ت ج م باسپا ءسوز قىزمەتى جازعانداي، شومىلىپ جۇرگەن كەزدە بالانىڭ اياعى تارتىلىپ، سۋدان شىعا الماي، ۇرەيلەنە باستاعان. قۇتقارۋشىلار دەر كەزىندە كومەك كورسەتىپ، بالانى سۋدان الىپ شىقتى.
مەديتسينالىق كومەك قاجەت بولمادى - جاعدايى قاناعاتتانارلىق.
ايتا كەتەيىك، ت ج م قۇتقارۋشىلارى ءۇش مىڭدىق بيىكتىكتەن ءۇش ادامدى ەۆاكۋاتسيالادى.
