استانادا 10 مىڭنان استام بالا ءبىر مەزەتتە ءانۇران ورىندادى
استانا. KAZINFORM - مەملەكەتتىك رامىزدەر كۇنىنە وراي، استاناداعى مەكتەپتەر مەن ءبىلىم بەرۋ ۇيىمدارىنىڭ جازعى لاگەرلەرىندە اۋقىمدى پاتريوتتىق ءىس-شارا ۇيىمداستىرىلدى، دەپ حابارلادى ەلوردا اكىمدىگى.
- قالانىڭ 92 مەكتەبى مەن 13 قوسىمشا ءبىلىم بەرۋ ورتالىعىنىڭ قاتىسۋىمەن وتكەن بۇل ءىس-شارا اياسىندا 10000-نان استام بالا ءبىر مەزەتتە مەملەكەتتىك ءانۇراندى ورىندادى. مۇنداعى ماقسات - جاس ۇرپاقتىڭ بويىندا وتانسۇيگىشتىك سەزىمدى قالىپتاستىرۋ، مەملەكەتتىك رامىزدەرگە دەگەن قۇرمەتتى ارتتىرۋ جانە ۇلتتىق قۇندىلىقتاردى دارىپتەۋ، - دەلىنگەن حابارلامادا.
ءانۇران شىرقاۋ ءراسىمى بالالاردىڭ ءوز وتانىنا دەگەن ماقتانىش سەزىمىن وياتىپ، بىرىكتىرۋشى رۋح بەردى. مۇنداي ءىس-شارالار وسكەلەڭ ۇرپاقتى ازاماتتىق جاۋاپكەرشىلىككە تاربيەلەۋدە ماڭىزدى ءرول اتقارادى.
ايتا كەتەيىك، 4 -ماۋسىم - مەملەكەتتىك رامىزدەر كۇنى، بۇل مەرەكە 2007 -جىلدان بەرى رەسمي تۇردە اتالىپ وتەدى. بۇل كۇن - ەلتاڭبا، تۋ مەن ءانۇران سىندى تاۋەلسىزدىگىمىزدىڭ نىشاندارىن قۇرمەتتەۋدىڭ جارقىن كورىنىسى.
بۇعان دەيىن استانادا 3 مىڭ رۋبيك كۋبيگىنەن ەلتاڭبا بەينەسى قۇراستىرىلعانىن جازعانبىز.
