استاناعا شەتەلدىك جۇمىس كۇشى كوبىنە قاي ەلدەن كەلەدى

  استانا. KAZINFORM - بيىل ەلوردادا شەتەلدىك جۇمىسشىلاردى تارتۋعا ارنالعان كۆوتا سانى ازايدى.

بۇل تۋرالى استانا قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى يليا سكۋب ءمالىم ەتتى.

«وتكەن جىلى ەلورداعا شەتەلدەن جۇمىس كۇشىن تارتۋعا 1331 كۆوتا ءبولىندى. ونىڭ ىشىندە 820 كۆوتا بەرىلدى. شەتەلدىك جۇمىسشىلاردىڭ %91,2 جەتەكشىلەر جانە بىلىكتى ماماندار. سونىمەن قاتار، ءوز سالاسىنىڭ ءى ساناتتاعى جۇمىسشىلارعا 97 كۆوتا، Ⅱسانات 225, III سانات 432 جانە IV ساناتتاعى شەتەلدىك جۇمىسشىلارعا 66 كۆوتا بەرىلدى»، - دەدى يليا سكۋب ەلوردا ءماسليحاتىنىڭ وتىرىسىندا.

استاناعا شەتەلدەن تارتىلاتىن مامانداردىڭ كوبىسى قۇرىلىس سالاسىنا تيەسىلى %56 (853)، ودان كەيىن كاسىبي عىلىم جانە تەحنيكالىق قىزمەت %8,6 (132)، ءبىلىم %6,6 (101)، ودان بولەك ءارتۇرلى قىزمەتتەردىڭ ۇلەسى %6,2 (95).

«بىلتىر قازىناعا 400000000 تەڭگە سالىق تولەندى. ەلورداداعى جۇمىسشىلاردىڭ %96 ى ءوز ازاماتتارىمىز. شەتەلدەن كەلەتىن ماماندار سانىنا كەلسەك، سەربيا 808، تۇركيا 209، قىتاي 151 جانە ۋكراينادان 107 سالا مامانىنا كۆوتا بەرىلدى»، - دەيدى ول.

ونىڭ ايتۋىنشا، بيىل شەتەل ازاماتتارىن ەلىمىزدە ەڭبەك ەتۋگە 1191 كۆوتا ءبولىندى.