«استانا وپەرا» ساحناسىندا مايرا مۇحامەد قىزىنىڭ شىعارماشىلىق كەشى ءوتتى

استانا. قازاقپارات - «استانا وپەرا» ساحناسىندا مايرا مۇحامەد قىزىنىڭ شىعارماشىلىق كەشى انشلاگپەن ءوتتى. اۋقىمدى كونسەرت ونەر يەسىنىڭ 30 جىلدىق مەرەيتويىنا ارنالعان.

كورەرمەنگە الەمدىك جانە ۇلتتىق رەپەرتۋارداعى شىعارمالاردان بىرەگەي باعدارلاما ۇسىنىلدى. شارا مادەنيەت جانە اقپارات مينيسترلىگىنىڭ قولداۋىمەن ءوتتى. 30 جىل كيەلى ساحناعا ادالدىق. مايرا مۇحامەد قىزى اڭىزعا اينالعان وپەرالاردا باستى پارتيالاردى ورىنداپ، كورەرمەن جۇرەگىندە وشپەس ءىز قالدىردى. وپەرا جۇلدىزى پاريجدەگى «وپەرا گارنە» تەاترىندا ءان سالعان جالعىز قازاق.

Фото: Мәдениет және ақпарат министрлігі

ونەر يەسىنىڭ شىعارماشىلىق كونسەرتىنە الەمنىڭ تۇكپىر-تۇكپىرىنەن جانكۇيەرلەرى مەن دوستارى جينالدى. مەرەكەلىك كەشكە مادەنيەت جانە اقپارات ءمينيسترى ايدا بالايەۆا قاتىستى. سونداي-اق، مايرا مۇحامەد قىزىنىڭ مەرەيتويىندا وزگە دە شىعارماشىلىق توپتار ونەر كورسەتتى. ماسەلەن، شىمكەنت وپەرا جانە بالەت تەاترى كونسەرتكە ارنايى كەلگەن. وسىلايشا ۇلكەن قويىلىمعا سيمفونيالىق وركەستر، ەكى تەاتردىڭ حورى، بالالار ۇجىمدارى جانە «استانا وپەرا» بالەت ترۋپپاسىنىڭ جەتەكشى سوليستەرى قاتىستى.

مايرا مۇحامەد قىزى، ق ر مەملەكەتتىك سىيلىق يەگەرى، ق ر ەڭبەك سىڭىرگەن ءارتىسى:

- وسى ساحنادا ونەر كورسەتتىم. بۇل مەنىڭ ەكىنشى ءۇيىم دەسەم بولادى. وسى ساحنادا ءبىراز كۇردەلى وپەرالاردى ايتتىم. سوندىقتان تەاتر اكۋستيكاسى، اۋراسى بولەك. شىمكەنتتەن 60 ادام كەلدىك. حور 80 ادام. وركەستر 100. ءبارىن قوسقاندا 500-دەي بار-اۋ. 30 جىلداعى بۇكىل ءومىرىڭ كوز الدىڭنان ءوتىپ جاتقانداعى سەزىمدى سوزبەن جەتكىزۋ وتە قيىن. شىمكەنت وپەرا تەاترىنىڭ «تۋربادور» وپەراسىمەنەن 1 وپەرانىڭ ءۇزىندىسىن كورسەتكىم كەلدى.

كورنەكتى فينالدا مايرا مۇحامەد قىزى «دومالاق انا» وپەراسىنان ءۇزىندى ورىندادى. قىرىق جىل بويى ول مۋزىكا ارقىلى كورەرمەندەرگە ءوزىنىڭ عانا ەمەس، بۇكىل قازاقستاننىڭ تاريحىن تانىستىرىپ كەلەدى. ەڭبەك سىڭىرگەن ءارتىس كوپتەگەن ماراپاتتاردىڭ يەگەرى جانە بەدەلدى سىيلىقتاردىڭ لاۋرەاتى. پرەزيدەنت قاسىم-جومارت توقايەۆ ونىڭ مادەنيەتكە قوسقان ۇلەسىن اتاپ ءوتىپ، وعان گۇل شوقتارىن جولداپ، مايرا مۇحامەد قىزىن جانە بارلىق ونەرسۇيەر قاۋىمدى قۇتتىقتادى.

مايرا مۇحامەد قىزى - (ساحنادا Maira Kerey - مايرا كەرەي ەسىمىن پايدالانادى). 1965 -جىلدىڭ 5 -قىركۇيەك كۇنى قىتايدىڭ قۇلجا قالاسىندا دۇنيەگە كەلدى. قازاقتىڭ ەڭ اتاقتى وپەرا ءانشىسى (سوپرانو)، قازاقستان رەسپۋبليكاسىنىڭ ەڭبەك سىڭىرگەن ءارتىسى، مەملەكەتتىك سىيلىقتىڭ لاۋرەاتى. پاريجدەگى «گراند وپەرادا» قازاقستاننىڭ اتىنان ونەر كورسەتكەن تۇڭعىش ءارى ازىرگە جالعىز وپەرا ءانشىسى.مايرا مۇحامەد قىزى ق ح ر- دا ونەرلى وتباسىندا تۋىپ، وسكەن. تاريحي وتانىنا 1994 -جىلى ورالدى. اكەسى مۇحامەد ءابدىقادىر ۇلى - كومپوزيتور، پروفەسسور، مۋزىكا زەرتتەۋ سالاسى بويىنشا كوپتەگەن كىتاپتاردىڭ اۆتورى. اناسى كامال قۋانىش قىزى - ءانشى، ق ح ر حالىق ءارتىسى.

مايرا مۇحامەد قىزى بەيجىڭ ۇلتتار ۋنيۆەرسيتەتىنىڭ مۋزىكا فاكۋلتەتىن (دجوۋ بەن چين سىنىبى) جانە پەكين كونسەرۆاتورياسىن (گو شۋ دجەن سىنىبى) بىتىرگەن. الماتىدا قۇرمانعازى اتىنداعى قازاق ۇلتتىق كونسەرۆاتورياسىندا (پروفەسسور ن. ا. ءشاريپوۆتىڭ سىنىبى) ستاجيروۆكادان وتكەن.

24.kz