استانا تۇرعىنى موڭعوليادان كولىك الىپ بەرەمىن دەپ جۇرتتى الداپ كەتكەن

استانا تۇرعىنى بىرنەشە ايدىڭ ىشىندە 15 ادامدى موڭعوليادان كولىك الىپ بەرەمىن دەپ الداپ كەتكەن. بۇل تۋرالى Stan.kz اقپارات اگەنتتىگى حابارلايدى.

الاياقتىڭ قولىنان استانا، پاۆلودار جانە قاراعاندى ​​وبلىستارىنىڭ تۇرعىندارى زارداپ شەكتى.

«ترانزيتتىك نومىرلەرى بار كولىكتەردى اۆتوسالون ارقىلى ساتىپ الۋعا ۋادە بەرگەن ەر ادام اقشانى ءوز قالاۋىنا جۇمساعان. اقشانىڭ ءبىر بولىگىنە راسىمەن ساتىپ الۋشىلارعا كولىك ساتىپ العان، ال قالعانىن ىسىراپ ەتكەن. قاراعاندى ​​وبلىسىنىڭ تۇرعىنى الاياققا 21,7 ميلليون تەڭگە بەرگەنىن ايتىپ، پوليتسياعا حابارلاسقان. ال باسقا ادام 3,3 ميلليون تەڭگە بەرگەن»، - دەپ حابارلادى پوليتسيا دەپارتامەنتى.

الماتى اۋداندىق كريمينالدىق پوليتسيا باسقارماسىنىڭ قىزمەتكەرلەرى استانا قالاسىنىڭ تۇرعىنىن قۇرىقتاپ، «الاياقتىق» بابى بويىنشا قىلمىستىق ءىس قوزعادى. ۇستالعان ازامات كىناسىن مويىنداپ، قازىر ۋاقىتشا ۇستاۋ يزولياتورىندا وتىر.

استانا پوليتسيا دەپارتامەنتى ازاماتتارعا قىراعى بولۋعا، كۇماندى ۇسىنىستارعا سەنبەۋگە جانە بەيتانىس ادامدارعا اقشا اۋدارماۋعا كەڭەس بەرەدى.