«استانا» مەن «چەلسي» ويىنى: الماتى پوليتسياسى ەسكەرتۋ جاسادى

الماتى. قازاقپارات – 12-جەلتوقساندا الماتىنىڭ ورتالىق ستاديونىندا وتەتىن «استانا» - «چەلسي» ماتچى قارساڭىندا قالا پوليتسەيلەرى بيلەتتەردى ساتۋعا قاتىستى الاياقتىق ارەكەتتەر بولۋى مۇمكىن ەكەنىن ەسكەرتتى.

ءتارتىپ ساقشىلارى بۇل ويىنعا بيلەتتەردى ستاديون ماڭىنان نە ونلاين ساتۋشىلاردان ەمەس، تەك رەسمي ساۋدا ورىندارىنان الۋعا كەڭەس بەردى.

- الاياقتاردان قاۋىپسىزدىك ماقساتىندا فۋتبول ماتچىنا بيلەتتەردى تەك رەسمي ساۋدا ورىندارىنان ساتىپ الۋ كەرەك ەكەنىن ەسكە سالامىز، - دەدى الماتى قالالىق پ د جەرگىلىكتى پوليتسيا قىزمەتى باسقارماسىنىڭ باستىعى سەرىك شۋمايەۆ.

ايتا كەتكەن ءجون، ويىن الدىندا الماتى پوليتسياسى قىزمەتتىڭ كۇشەيتىلگەن نۇسقاسىنا اۋىستىرىلدى. پوليتسيا كۇشتەرى سپورت نىسانىنىڭ وزىندە دە، وعان شەكتەس اۋماقتاردا دا ءتارتىپ پەن جول قاۋىپسىزدىگىن قامتاماسىز ەتەدى.

ەسكە سالايىق، بۇعان دەيىن «استانا» مەن «چەلسي» ويىنى قانشالىقتى كەيىنگە شەگەرىلۋى مۇمكىن ەكەنىن جازعانبىز.

سونداي-اق، ويىن كۇنى الماتىدا قانداي كوشەلەر جابىلاتىنى تۋرالى حابارلانعان بولاتىن.