استانا مەن الماتىداعى مۋزىكالىق ءىس-شارالار افيشاسى

استانا. KAZINFORM - كەلە جاتقان مادەني ماۋسىمدا استانا مەن الماتىدا بىرنەشە مۋزىكالىق ءىس-شارا وتەدى.

استانا

26-ساۋىردە استانادا يتاليالىق تەنور الەسساندرو سافينا سيمفونيالىق وركەستردىڭ سۇيەمەلدەۋىمەن ايگىلى اريالارى مەن رومانستارىن ورىندايدى. ول كلاسسيكالىق مۋزىكا مەن پوپ-رومانتيكانى ۇيلەستىرە الادى جانە الەم جۇرتشىلىعىنىڭ جۇرەگىنەن ورىن العان.

3-مامىردا ۆەرا برەجنيەۆا ەلوردادا كونسەرتتىك باعدارلاماسىن ۇسىنادى. ءانشى جاڭا تۋىندىلارىمەن قاتار بارشاعا تانىس حيت اندەرىن دە ورىندايدى.

4-مامىردا تانىمال ەۋروپالىق پوپ ءانشى SANDRA استانادا جەكە كونسەرتىن بەرەدى. بۇل ءىس-شارا ونىڭ «The Best» الەمدىك تۋرى اياسىندا وتەدى جانە قازاقستانداعى جالعىز كونسەرتى بولماق.

الماتى

16-جانە 17-مامىر كۇندەرى سەرگەي جۋكوۆ پەن «رۋكي ۆۆەرح» توبىنىڭ كونسەرتى وتەدى.

16-مامىردا الماتىدا ۋكراينالىق ءانشى بيانكا ونەر كورسەتەدى. تانىمال ءانشى كوڭىلدى ىرعاقتى اندەرىمەن قاتار قازاقستاندىق ەسترادا مۋزىكانتتارىمەن بىرگە جازعان تۋىندىلارىن دا ورىندايدى.

سونىمەن بىرگە 26-مامىردا كوكتەمنىڭ ەڭ باستى وقيعالاردىڭ ءبىرى - ديماش قۇدايبەرگەنمەن ەكسكليۋزيۆتى فان-كەزدەسۋ وتەدى. وندا تىڭدارماندار سۇيىكتى انشىسىمەن كەزدەسىپ، جاندى داۋىستا ءان تىڭدايدى.

بۇعان دەيىن حابارلانعانداي، 1-تامىزدا امەريكالىق اكتريسا ءارى ءانشى دجەننيفەر لوپەس «Up All Night» تۋرى اياسىندا «استانا ارەنادا» ونەر كورسەتەدى.