استانا مەن الماتى اۋەجايىنان بيومەتريالىق سايكەستەندىرۋ ارقىلى ۇشۋعا بولادى

استانا. KAZINFORM - ەندى اۋە رەيسىنىڭ ۋاقىتى شەگەرىلسە، وتەماقى تولەنەدى. كولىك مينيسترلىگى اۆياتاسىمالداۋ سالاسىنا ەرىكتى ساقتاندىرۋ جۇيەسىن ەنگىزبەك.

Международный аэропорт Астаны
Фото: Международный аэропорт Астаны

ال اۋەجايلارعا بيومەتريالىق سايكەستەندىرۋ جۇيەسى ورناتىلادى. سول ارقىلى رەيسكە تىركەلىپ، جەكە دەرەكتەردى e-gov قوسىمشاسى ارقىلى باسقارۋعا بولادى. ياعني، جولاۋشىلاردى تىركەۋ پروتسەسىنە كەرەك وپەراتسيالار ءبىر عانا ءىس-ارەكەتپەن ورىندالادى. ازىرگە مۇنداي مۇمكىندىك تەك استانا مەن الماتى اۋەجايلارىندا قولجەتىمدى.

− بۇل جوبامەن قازىر كولىك مينيسترلىگى، سيفرلىق دامۋ مينيسترلىگى جانە استانا مەن الماتى اۋەجايلارى اينالىسىپ جاتىر. بيىل 2025 -جىلى قولدانىستاعى كەستەمىزگە سايكەس، تۇرعىندار وسى ەكى قالا اراسىندا بيومەتريا ارقىلى قاتىناپ قالۋى ابدەن مۇمكىن، − ق ر كولىك مينيسترلىگىنىڭ رەسمي وكىلى ءلاززات ستامعازيەۆا Jibek joly تەلەارناسىنا بەرگەن سۇحباتىندا.

قازىر ەلىمىزدە 18 حالىقارالىق جانە 6 وڭىرلىك اۋەجاي جۇمىس ىستەپ تۇر. تەرمينالداردىڭ دەنى جاڭارىپ كەلەدى. بىلتىر شىمكەنت پەن قىزىلوردا قالالارىندا سۋ جاڭا اۋەجايلار قولدانىسقا بەرىلگەن. سونىڭ ارقاسىندا قازاقستان حالىقارالىق تەرمينالدار رەيتينگىندە توپ-50 ەلدىڭ قاتارىنا قوسىلدى.

ەسكە سالا كەتسەك، شىعىس قازاقستان وبلىسىندا پرەزيدەنت تاپسىرماسىمەن قۇرىلىسى باستالعان كاتونقاراعاي مەن زايسانداعى اۋەجايلار ءۇشىن اۆياتسيا سالاسى بويىنشا ماماندار دايارلانباق.

سوڭعى جاڭالىقتار