استانا كينوتەاترىنداعى توبەلەس: بۇزاقىلار ەكى جىلعا سوتتالدى

استانا. KAZINFORM - ەلوردانىڭ ەكى تۇرعىنى كينوتەاترلارعا كەلۋشىلەرگە دورەكىلىك تانىتىپ، قول كوتەرگەن. بۇل تۋرالى قالالىق پروكۋراتۋرا حابارلايدى.

«ەكى ازامات كينوتەاتردا ادامدارعا قۇرمەتسىزدىك تانىتىپ، ورىندىقتان اتتاپ، سول جەردە وتىرعان كەلۋشىلەردى جاناپ وتكەن. ونىمەن قوسا ءتارتىپ بۇزۋشىلار ەسكەرتۋ جاساعان كورەرمەندەردى سوققىعا جىققان. ساراپتامانىڭ قورىتىندىسىنا سايكەس جابىرلەنۋشىلەردىڭ دەنساۋلىعىنا جەڭىل زيان كەلتىرىلگەن»، - دەلىنگەن حابارلامادا.

سوت ۇكىمىمەن ەكى كىنالى 2 جىلعا باس بوستاندىعىنان ايىرىلدى، سونىمەن قاتار بۇزاقىلارعا پروباتسيالىق باقىلاۋ بەلگىلەنىپ، جىلىنا 100 ساعات ءماجبۇرلى ەڭبەككە تارتىلدى.

«ولاردان ءار جابىرلەنۋشىنىڭ پايداسىنا 2 ميلليون تەڭگە شاماسىندا ماتەريالدىق جانە مورالدىق زالال ءوندىرىلدى»، - دەيدى ەلوردا پروكۋراتۋراسىنان.

ۇكىم زاڭدى كۇشىنە ەندى.

اۆتور
داۋلەت ىزتىلەۋ