17:51, 14 - قاڭتار 2024 | GMT +6
استانا- كوكشەتاۋ باعىتىنداعى تاسجولدا 9 اۆتوكولىك سوقتىعىستى
بۇگىن استانا- كوكشەتاۋ تاسجولىندا ءىرى جول-كولىك وقيعاسى بولدى، دەپ حابارلايدى Kazinform.
- بۇگىن ساعات 11:30-دا كوكشەتاۋ قالاسىنان استانا قالاسى باعىتى بويىنشا جول قىزمەتى مەن ج پ ق سۇيەمەلدەۋىمەن ماشينالار كولونناسى ۇيىمداستىرىلعانىنا قاراماستان 9 اۆتوكولىك سوقتىعىسىپ قالدى. وسىعان بايلانىستى، قۇرمەتتى اۆتوجول پايدالانۋشىلارى، اۋا-رايىنىڭ قولايسىزدىعىن نازاردان تىس قالدىرماي جانە جول قوزعالىسى ەرەجەلەرىن قاتاڭ ساقتاۋلارىڭىزدى سۇرايمىز، - دەپ جازدى «قازاۆتوجول» ا ق باسپا ءسوز قىزمەتى.
ايتا كەتۋ كەرەك، اۆتوجولدى تازالاۋ جانە كوكتايعاققا قارسى ماتەريالداردى سەبۋ جۇمىستارى جالعاسىپ جاتىر. ءدال قازىر اتالعان جەلىگە 20 بىرلىك جول-پايدالانۋ تەحنيكاسى جۇمىلدىرىلدى.
