استانا جانە الماتى قالالارىندا 3 ءىرى ەسىرتكى زەرتحانا جويىلدى
استانا. KAZINFORM - استانا جانە الماتى قالالارىندا قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى پوليتسيامەن ءوزارا ارەكەتتە جانە پروكۋراتۋرا ورگاندارىنىڭ ۇيلەستىرۋىمەن 3 ءىرى ەسىرتكى زەرتحاناسىنىڭ ارەكەتىن جويدى.
بۇل تۋرالى ۇ ق ك باسپا ءسوز قىزمەتى ءمالىم ەتتى.
اتالعان قىلمىستار جاسادى دەگەن كۇدىك بويىنشا قازاقستاننىڭ 8 ازاماتى ۇستالىپ، سوتتىڭ سانكسياسىمەن قاماۋعا الىندى.
«ءتىنتۋ بارىسىندا 93 ك گ- نان استام سينتەتيكالىق ەسىرتكى، كريستالدانۋ ساتىسىنداعى 70 ليتر مەفەدرون، سونداي- اق 255 ك گ پرەكۋرسور مەن زەرتحانالىق جابدىقتار الىندى. «قارا» نارىقتا تاركىلەنگەن ەسىرتكىنىڭ قۇنى 2 ميلليارد تەڭگەدەن ارتىقتى قۇراۋى مۇمكىن»، - دەلىنگەن حابارلامادا.
قىلمىستىق كودەكستىڭ 297-بابى بويىنشا سوتقا دەيىنگى تەرگەۋ جۇرگىزىلىپ جاتىر.
قىلمىستىق- پروتسەستىك كودەكستىڭ 201-بابىنىڭ 1-بولىگىنە سايكەس وزگە دە اقپارات جاريا ەتىلۋگە جاتپايدى.
اۆتور
باقىتگۇل اباي قىزى
