استانا اكىمدىگى وليمپيادا چەمپيوندارى مەن باپكەرلەرىنە قانشا سىياقى بەرەدى

استانا. KAZINFORM - استانا قالاسىنىڭ اكىمدىگى پاريجدەگى وليمپيادا ويىندارىندا چەمپيون اتانعان ەلوردالىقتاردى قانداي ماراپات كۇتىپ تۇرعانىن ايتتى.

حالىقارالىق جارىستاردا جوعارى سپورتتىق ناتيجەلەرگە قول جەتكىزگەنى ءۇشىن سپورتشىلارعا استانا قالاسى اكىمىنىڭ مىناداي سىيلىعى كوزدەلگەن: ءبىرىنشى ورىن ءۇشىن جارىسقا قاتىسۋشى 750 ا ە ك (2,7 ميلليون تەڭگە)، ەكىنشى ورىن ءۇشىن - 600 ا ە ك (2,2 ميلليون تەڭگە) جانە ءۇشىنشى ورىن ءۇشىن - 450 ا ە ك (1,6 ميلليون تەڭگە) مولشەرىندە سىيلىقاقى الادى.

سونداي-اق، سپورتشىلار مەن ولاردىڭ جاتتىقتىرۋشىلارىنا وليمپيادادا ۇلتتىق قۇراما ساپىندا سايىسقا تۇسكەنى ءۇشىن اي سايىنعى تولەمدەر تولەندى: ءبىرىنشى ورىن - 250 ا ە ك-كە دەيىن (923 مىڭ تەڭگە)، ەكىنشى ورىن - 200 ا ە ك-كە دەيىن (738 مىڭ تەڭگە)، ءۇشىنشى ورىن - 150 ا ە ك- كە دەيىن (553 مىڭ تەڭگە)، ءتورتىنشى ورىن - 90 ا ە ك- كە دەيىن (332 مىڭ تەڭگە)، بەسىنشى ورىن - 70 ا ە ك-كە دەيىن (258 مىڭ تەڭگە)، التىنشى - 60 ا ە ك- كە دەيىن (221 مىڭ تەڭگە).

اكىمدىك جاۋابىندا پاتەرلەر مەن اۆتوكولىك بەرۋ جونىندە ءسوز بولماعان. بۇل رەتتە زاڭ بويىنشا وليمپيادا، پاراليمپيادا جانە سۋردليمپيادا ويىندارىنىڭ چەمپيوندارى مەن جۇلدەگەرلەرىنە كوممۋنالدىق تۇرعىن ءۇي قورىنان وتەۋسىز نەگىزدە تۇرعىن ءۇي بەرىلەدى: التىن مەدال يەگەرى ءۇشىن - ءۇش بولمەلى پاتەر، كۇمىس - ەكى بولمەلى جانە قولا ءۇشىن - ءبىر بولمەلى تۇرعىن ءۇي. مەدالدار سانىنا قاراماستان، باسپانا تەك ءبىر رەت بەرىلەدى.

ايتا كەتەيىك، پاريج وليمپياداسىنا استانا قالاسىنان 12 سپورتشى 7 سپورت تۇرىنەن 13 ليتسەنزيا جەڭىپ العان. ونىڭ ىشىندە تەننيس، بوكس، ءجۇزۋ، بەسسايىس، ۇستەل تەننيسى، سپورتتىق ورمەلەۋ بار.

اۆتور
ايجان سەرىكجان قىزى