استانا اكىمدىگى جۇمىسسىز جاستاردى كوشەدەن ىزدەي باستادى

 ەلوردادا جاستاردى جۇمىسپەن قامتۋ ماقساتىندا بىرنەشە جوبا ىسكە اسىپ جاتىر، دەپ حابارلايدى Kazinform اگەنتتىگى. 

«بۇگىندە جاستارعا قىزمەت كورسەتۋ ورتالىقتارى جانە «بارشاعا مۇمكىندىك» مودۋلدىك پۋنكتتەرى جۇمىس ىستەپ تۇر. ول پۋنكتتەر ادام كوپ شوعىرلانعان جەرلەردە ورنالاسقان. مىسالى، ۆسترەچا، ەۋرازيا اۋداندارى. بۇل پۋنكتەردە ەلوردا تۇرعىندارى جۇمىس جانە سيفرلىق داعدىلاردى يگەرۋ بويىنشا تەگىن كەڭەس، سونداي-اق مەملەكەتتىك قولداۋ شارالارى مەن جۇمىسقا ورنالاسۋ مۇمكىندىكتەرى تۋرالى اقپارات الا الادى. سول جەردە «Freelance مۇمكىندىك» جوباسىنا جازىلۋعا بولادى، - دەدى استانا قالاسى جاستار ساياساتى ماسەلەلەرى باسقارماسىنىڭ باسشىسى قايرات قامباروۆ قالالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، اتالعان جوبا ارقىلى جاستاردى سۇرانىسقا يە سيفرلىق داعدىلارعا ۇيرەتەدى.

«ول تارگەتولوگ، SMM، ۆيدەوگراف، ماركەتپلەيس، موبيلوگراف، گرافيكالىق ديزاينەر جانە ۆەب- ديزاينەر»، - دەيدى ول.

باسقارما باسشىسىنىڭ مالىمدەۋىنشە، جاستار اراسىندا مەملەكەتتىك باعدارلامالاردى، سونىڭ ىشىندە جۇمىسپەن قامتۋ جوبالارى اقپاراتتاندىرۋ ماقساتىندا اقپاراتتىق بۋكلەتتەر تاراتىلۋدا.

«ءوز سالاسىندا 6 جىلدان استام كاسىبي تاجىريبەسى بار، سونىمەن قاتار Kaspi.kz, BI Group, Atameken, KazDream جانە تاعى باسقا جەتەكشى كومپانيالارمەن جۇمىس ىستەگەن، تاجىريبەلەرى بار كۋرس وقىتۋشىلارىمەن كەلىسىم-شارت جاسالدى»، - دەيدى ول.