استانا اۋەجايىنىڭ تاريحى 1931-جىلدان باستالادى
استانا. قازاقپارات - استانا اۋەجايىنىڭ تاريحى 1931-جىلعى 1-جەلتوقساننان باستالادى. ءدال سول كۇنى ەڭ العاش اقمولا جانە سەمەي اراسىنداعى تۇراقتى اۋە قاتىناستارى ىسكە قوسىلدى.
ءبىراق بۇل ايماقتا سۋ تاسقىنى ءجيى بولاتىندىقتان، اۋەجاي كوبىنەسە جابىق جاعدايدا جۇمىس جاسادى.
1934-جىلى ۇشۋلاردىڭ باعدار كارتاسى كەڭەيتىلدى. 1940-جىلى اۋەجاي ماڭىنان قوسىمشا عيماراتتار سالىنىپ، ليسۋنوۆ لي-2 سياقتى اۋە كولىكتەرى Douglas DC-3 كەڭەستىك ءتۇرى ۇشا باستادى. 1951-جىلى ءبىرىنشى رەت ۇشۋ-قونۋ جولاعى كەڭەيتىلىپ، بۇل اۋەجايعا ي ل-14 سياقتى ۇشاقتاردى قابىلداۋعا مۇمكىندىك بەرىلدى.
1959-جىلى جەرگىلىكتى رەيستەردى ورىندايتىن اقمولا بىرىككەن اۆياجاساعى نەگىزدەلىپ، انتونوۆ-2 ۇشاقتارى قونا باستادى. 1960-جىلداردان كەيىنگى كەزەڭدە ي ل-18، ت ۋ-154 سىندى ۇشاقتار ۇشىپ-قوناتىن اۋەجايعا اينالدى. 1975-جىلدان باستاپ الماتى-سەلينوگراد-ماسكەۋ باعىتتارى اشىلدى. استانا قازاقستاننىڭ جاڭا ەلورداسى بولعان ۋاقىتتان باستاپ اۋەجايدى جاڭارتۋعا كوپ كۇش جۇمسالدى. سونىڭ ناتيجەسىندە قازىر استانا حالىقارالىق اۋەجايى (TSE) قانداي دا اۋا رايى جاعدايلارىندا بارلىق ۇشاق تۇرلەرىن قابىلداي الاتىن دارەجەگە جەتتى.
